ەلوردا 5 كولىكتىڭ ورتەنۋى سالدارىنان 1 ادام جانساقتاۋ بولىمىنە ءتۇستى
استانا. KAZINFORM - ەلوردادا اۆتوتۇراقتاعى 5 اۆتوكولىكتىڭ ورتەنۋى سالدارىنان زارداپ شەككەن ءبىر ادام جانساقتاۋ بولىمىنە ءتۇستى.
استانا قالاسىنىڭ قوعامدىق دەنساۋلىق ساقتاۋ باسقارماسىنىڭ مالىمەتىنشە، زارداپ شەككەن ازامات جانساقتاۋ جانە قارقىندى تەراپيا بولىمىندە ەم الىپ جاتىر.
-ناۋقاستىڭ جاعدايى اۋىر، ءبىراق تۇراقتى. قازىر وعان بارلىق قاجەتتى مەديتسينالىق كومەك كورسەتىلىپ جاتىر،- دەپ حابارلادى باسقارمانىڭ باسپا ءسوز قىزمەتىنەن.
ەستەرىڭىزگە سالا كەتسەك، استانانىڭ سارايشىق اۋدانىندا تۇرعىن ءۇي كەشەنىنىڭ جانىنداعى اۆتوتۇراقتا بەس جەڭىل اۆتوكولىك ورتەندى.
قۇتقارۋشىلاردىڭ العاشقى بولىمشەلەرى وقيعا ورنىنا جەتكەن كەزدە، كولىكتەردىڭ بارلىعى اشىق جالىنمەن جانىپ جاتقان. قاتتى جەلدىڭ سالدارىنان جالىن ءبىر- بىرىنە جاقىن تۇرعان كولىكتەرگە تەز تاراعان.
