لوندوننان ۇشىپ شىققان ۇشاق تۋربۋلەنتتىلىككە تاپ بولىپ، جولاۋشى قايتىس بولدى
لوندوننان سينگاپۋرعا ۇشقان Boeing 777-300ER ۇشاعى قاتتى تۋربۋلەنتتىلىككە تاپ بولدى. سالدارىنان ءبىر ادام قازا تاپتى، جارالانعاندار دا بار، دەپ حابارلايدى Singapore Airlines.
لوندون- سينگاپۋر رەيسىن Singapore Airlines كومپانياسى ورىندادى. اۋە كومپانياسىنىڭ Facebook-تەگى رەسمي پاراقشاسىندا حابارلانعانداي، ۇشاق قاتتى تۋربۋلەنتتىلىككە تاپ بولعان. ەكيپاج بانگكوكقا قونۋعا ءماجبۇر بولدى. "Boeing 777-300ER بورتىندا زارداپ شەككەندەر بارىن جانە ءبىر ادام قازا بولعانىن راستايمىز. بورتتا بارلىعى 211 جولاۋشى مەن 18 ەكيپاج مۇشەسى بولدى، - دەپ حابارلادى اۋە كومپانياسى.
Singapore Airlines كومپانياسىنىڭ وكىلدەرى مارقۇمنىڭ وتباسىنا كوڭىل ايتتى. "ءبىزدىڭ باستى مىندەتىمىز - بارلىق جولاۋشى مەن ەكيپاجعا كومەك كورسەتۋ. ءبىز قاجەتتى مەديتسينالىق كومەك كورسەتۋ ءۇشىن تايلاند بيلىگىمەن ىنتىماقتاستىق ورناتىپ جاتىرمىز جانە قاجەتتى كەز كەلگەن قوسىمشا كومەك كورسەتۋ ءۇشىن بانگكوكقا توپ جىبەرەمىز"، - دەلىنگەن كومپانيانىڭ مالىمدەمەسىندە.
NUR. KZ
