لوندوندا قازاقستان ازاماتىنا ادام ءولتىردى دەگەن ايىپ تاعىلدى
ۇلى بريتانيا. KAZINFORM - ۇلى بريتانيا پوليتسياسى قازاقستان ازاماتى بايمولدا بەيبىتتى كىسى ءولتىردى دەگەن كۇدىكپەن ۇستادى.
لوندون پوليتسياسىنىڭ مالىمەتىنشە، 1986 -جىلى 30-جەلتوقساندا تۋعان بايمولدا بەيبىتكە 7-مامىردا كىسى ءولتىردى دەگەن ايىپ تاعىلعان. ول 8-مامىردا تەمزا ماگيستراتۋرا سوتىنا كەلدى.
6-مامىر كۇنى كەشكى ساعات 21:00 شاماسىندا لوندونداعى اۋدانداردىڭ بىرىندە 42 جاستاعى ەر ادامنىڭ دەنەسى تابىلعان. وقيعا ورنىنا پوليتسيا قىزمەتكەرلەرى جەتكەن. اجال قۇشقان ادامنىڭ دەنەسىندە پىشاق جاراقاتتارى بارى انىقتالعان.
«وقيعا ورنىندا كىسى ءولتىردى دەگەن كۇدىكپەن بەيبىت پەن 33 جاستاعى ايەل ۇستالدى. بەيبىتكە جوعارىدا كورسەتىلگەن ايىپ تاعىلدى. 33 جاستاعى ايەل تەرگەۋ شارالارى اياقتالعانعا دەيىن بوساتىلدى»، - دەدى لوندون پوليتسياسى.
Kazinform ءتىلشىسىنىڭ حابارلاۋىنشا، بايمولدا بەيبىت قازاقستاننان ۇلىبريتانياعا 2023 -جىلدىڭ مامىر ايىندا 6 ايعا ماۋسىمدىق جۇمىس ۆيزاسىمەن كەلگەن.
اۆتور
ابىلايحان جۇماشەۆ
