لوندوندا جاڭا جىلدىق شەرۋ ءوتتى

1-قاڭتاردا لوندوننىڭ ورتالىعىندا جاڭا جىل مەرەكەسىنە ارنالعان شەرۋ ءوتتى، دەپ حابارلايدى Kazinform ءتىلشىسى.

ايتۋلى مەرەكەلىك كەشكە انشىلەر، ءبي توپتارى، اكروباتتار مەن مۋزىكانتتاردان جاساقتالعان 8 مىڭنان استام ادام قاتىستى.

500 مىڭنان اساتىن كورەرمەن 3,2 شاقىرىمدىق تراسسادا ساپ تۇزەگەن. شەرۋ تىكەلەي ەفيردە كورسەتىلدى.

لوندونداعى جاڭا جىلدىق شەرۋ 1987 -جىلدان بەرى تۇراقتى تۇردە وتكىزىلىپ كەلەدى. بريتان استاناسىنىڭ كوشەلەرىندە كوۆيد-19 پاندەمياسىنا بايلانىستى تەك 2021 -جىلى وسىنداي شەرۋ وتكەن جوق.