لەوناردو دي كاپريو قازاقستان ۇكىمەتىن قۇتتىقتادى

تانىمال امەريكالىق اكتەر، گولليۆۋد جۇلدىزى لەوناردو دي كاپريو كيىك پوپۋلياتسياسىنىڭ قالپىنا كەلۋىنە بايلانىستى قازاقستان ۇكىمەتىنە ۇندەۋ جاسادى، دەپ حابارلايدى Kazinform ءتىلشىسى.

- اقبوكەن حالىقارالىق تابيعاتتى قورعاۋ وداعىنىڭ قىزىل تىزىمىندە جويىلىپ كەتۋ قاۋپى تونگەن ساناتقا قايتا جىكتەلدى. بۇرىن-سوڭدى بولماعان بۇل قالپىنا كەلتىرۋ - قازاقستانداعى اقبوكەن پوپۋلياتسياسىنىڭ كەرەمەت ساقتالعانىن كورسەتەدى. 2005-جىلى نەبارى 48000 بولعان ءتۇر قازىر جابايى تابيعاتتا 1,9 ميلليوننان اسادى، - دەپ اتاپ ءوتتى لەوناردو دي كاپريو.

وسىعان بايلانىستى گولليۆۋد جۇلدىزى قازاقستان ۇكىمەتىنە العىس ءبىلدىردى.

«براكونەرلىكپەن كۇرەس جونىندەگى باستامالارعا، قۇقىق قورعاۋ جۇيەسىنە جانە قورعالاتىن تابيعي اۋماقتاردى قۇرۋعا قوماقتى قارجى بولگەن قازاقستان ۇكىمەتىن قۇتتىقتايمىن. سىزدەر تابيعاتتى قورعاۋ ۇيىمدارىمەن، ۋنيۆەرسيتەتتەرمەن جانە عالىمدارمەن ىنتىماقتاسا وتىرىپ، بىرلەسكەن كۇش-جىگەر ارقىلى تابيعاتتى قورعاۋ سالاسىندا شىنايى تابىسقا قول جەتكىزۋدىڭ جارقىن مىسالى بولا الدىڭىزدار»، - دەپ جازدى اكتەر.