ۇلتتىق قوردان قانداستاردىڭ بالاسى تولەم الا الاما؟
قارجى مينيسترلىگى قانداستار مەن شەتەلدىك ازاماتتاردىڭ بالالارى قانداي جاعدايدا ۇلتتىق قوردان تولەم الا الاتىنىن ءتۇسىندىردى، - دەپ حابارلايدى ماسسەگەت ءتىلشىسى.
2024-جىلدىڭ 1- اقپانىنان باستاپ ءبىرىڭعاي جيناقتاۋشى زەينەتاقى قورى باعدارلاماعا قاتىسۋشى جانە قازاقستان ازاماتتىعىن العان 18 جاسقا دەيىنگى بارلىق بالاعا قاراجات بولەتىنى بەلگىلى بولدى.
«ەگەر بالالار قازاقستاننان تىس جەردە دۇنيەگە كەلسە جانە بۇل رەتتە قازاقستان ازاماتتىعى بولسا نەمەسە بالالار قازاقستان ازاماتتىعىن العان، ءبىراق ەلدەن تىس تۇراقتى تۇرۋعا كوشىپ كەتسە، بۇل جاعدايدا بۇل بالالاردىڭ بارلىعى ۇلتتىق قوردان قاراجات الادى. باسقا ەلدەن كەلگەن نەمەسە قانداس مارتەبەسىنە يە بولعان، تاريحي وتانىنا ورالعان ادامدارعا قازاقستان ازاماتتىعىنا قابىلدانعان نەمەسە قازاقستان ازاماتتىعىن العان كەزدەن باستاپ اقشالاي قاراجات ەسەپتەلەدى»، - دەدى ۇلتتىق قوردىڭ بيۋجەتتىك نەسيەلەندىرۋ جانە قارجى سەكتورى ماسەلەلەرى جونىندەگى ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازينوۆ.
