ۇلتتىق قوردان ءار بالاعا قانشا اقشا اۋدارىلاتىنى ءالى بەلگىسىز - ۆيتسە-مينيستر

قارجى ۆيتسە-ءمينيسترى ەرجان ءبىرجانوۆ ۇلتتىق قوردان بالا شوتىنا اۋدارىلاتىن اقشانىڭ سوماسى ءالى ەسەپتەلىپ بىتپەگەنىن ايتتى، دەپ حابارلايدى Kazinform.

«قازىرگى تاڭدا ەسەپ جۇرگىزىلىپ جاتىر. جالپى قازاقستانداعى 18گە تولماعان بالالاردىڭ سانى 7 ميلليون 200 مىڭ بولىپ وتىر. ال 18 گە تولعان، ءبىرىنشى ەتاپتا تولەم الاتىن ازاماتتاردىڭ سانى قازىرگى تاڭدا 300 مىڭعا جۋىق. ولار بويىنشا قازىر سوڭعى ەسەپتەر جۇرگىزىلىپ جاتىر. وسى ايدىڭ اياعىنا دەيىن قورىتىندىسى بولۋ كەرەك دەپ ويلايمىن. 18 گە تولعان 300 مىڭ ادام بويىنشا قاراجات اۋدارىلادى. سوماسى ساناۋلى. جوبالىق سوما بار. ءبىراق قاتەلەسپەۋ ءۇشىن ونى ازىرگە ايتا المايمىن»، - دەدى ەرجان ءبىرجانوۆ.