ۇلتتىق قور - بالالارعا: بالالار قاراجاتىن قايدا جۇمسادى

​​استانا. KAZINFORM — «ۇلتتىق قور - بالالارعا» باعدارلاماسى اياسىندا جاس وتانداستارىمىز 11,49 ميلليون ا ق ش دوللارىن نىسانالى ماقساتقا پايدالاندى.

- 2025 -جىلدىڭ 1- مامىرىنداعى جاعداي بويىنشا 97615 ءوتىنىش ورىندالىپ، جالپى سوماسى 11,49 ميلليون ا ق ش دوللارىنان استام قاراجات ۋاكىلەتتى وپەراتورلار ارقىلى ءوتىنىش بەرۋشىلەردىڭ بانكتىك شوتتارىنا اۋدارىلدى، - دەلىنگەن بجزق حابارلاماسىندا.

قاراجات قايدا باعىتتالدى؟

تۇرعىن ءۇي جاعدايىن جاقسارتۋعا - 6,70 ميلليون ا ق ش دوللارى (56937 ءوتىنىش) :

▪️ 6,55 ميلليون دوللار — تۇرعىن ءۇي قۇرىلىس جيناقتارىن تولىقتىرۋعا (55539 ءوتىنىش)
▪️ 49,94 مىڭ دوللار — يپوتەكالىق نەسيەنىڭ باستاپقى جارناسى رەتىندە (442 ءوتىنىش)
▪️ 38,57 مىڭ دوللار — ازاماتتىق- قۇقىقتىق مامىلەلەر ارقىلى تۇرعىن ءۇي ساتىپ الۋعا (370 ءوتىنىش)

ءبىلىم الۋ ءۇشىن — 4,79 ميلليون ا ق ش دوللارى (40678 ءوتىنىش) :

▪️ 4,24 ميلليون دوللار — قازاقستانداعى وقۋ اقىسىن تولەۋگە (35617 ءوتىنىش)
▪️ 412,21 مىڭ دوللار — ءبىلىم بەرۋ جيناق شوتىن تولىقتىرۋعا (3789 ءوتىنىش)
▪️ 114,96 مىڭ دوللار — شەتەلدەگى وقۋ اقىسىن تولەۋگە (1067 ءوتىنىش)

— بيىل ەلىمىزدىڭ بارلىق بالاسىنا ۇلتتىق قوردان ەكىنشى رەت قاراجات ەسەپتەلدى. جينالعان قاراجاتتى تولىعىمەن نەمەسە ءىشىنارا پايدالانۋعا بولادى. قولدانىلماعان سوما ماقساتتى جيناق شوتىندا (م ج ش) قالادى، — دەلىنگەن حابارلامادا.