«ۇلتتىق قور - بالالارعا» باعدارلاماسى: قازاقستاندىقتارعا نەنى بىلگەن ءجون
ۇلتتىق قوردان بالالاردىڭ ەسەپشوتىنا تۇسكەن قارجىعا سالىق سالىنا ما، جيناق قانداي جاعدايدا تۇسەدى جانە ونى قالاي تەكسەرەدى دەگەن ءتارىزدى ساۋالدار ءدال قازىر قازاقستاندىقتاردىڭ كوكەيىندە تۇر.
وسى ساۋالدارعا ب ج ز ق تولىققاندى جاۋاپ بەردى.
بۇل باعدارلاماعا كامەلەتكە تولماعان، قازاقستان ازاماتى بولىپ ەسەپتەلەتىن بارلىق بالا اۆتوماتتى تۇردە قاتىسۋشى رەتىندە تىركەلگەن.
2024-جىلدىڭ 31- قاڭتارىنان باستاپ 18 جاسقا دەيىنگى بالالاردىڭ نىسانالى جيناقتاۋ شوتتارىنا ۇلتتىق قوردان العاشقى جيناقتار ءتۇسىپ تە قويدى. مامانداردىڭ ايتۋىنشا، 7 ميلليونعا جۋىق بالا 100,51 دوللاردان السا، سولاردىڭ ىشىندە 304815 قاتىسۋشى 2024-جىلى 18 جاسقا تولادى.
راس، بۇل قارجى باستاپقىدا ايتىلعان سومادان اناعۇرلىم تومەن. قارجى ۆيتسە-ءمينيسترى داۋرەن تەمىربەكوۆ ونىڭ سەبەبىن ەلىمىزدەگى دەموگرافيالىق جاعدايدىڭ جاقسارۋىمەن بايلانىستىردى.
پرەزيدەنت ءتيىستى تاپسىرما بەرگەن ۋاقىتتا بۇل قاراجات 160 دوللار بولعان. مەملەكەت باسشىسى 2022-جىلعى 1- قاراشادا ءتيىستى تاپسىرما بەردى. ول كەزدە ەلىمىزدە 6,4 ميلليون بالا بولدى. ال قازىر بالالاردىڭ سانى 6,9 ميلليوننان اسقان. كوردىڭىز بە؟ بۇگىندە بولىنگەن قاراجات كولەمى 695 ميلليون دوللاردى قۇرادى. وسى سومانى 6 ميلليون 919 مىڭ 131 بالاعا بولسەك، ءارقايسىسىنا 100 دوللار 51 تسەنتتەن كەلەدى، - دەدى ول.
نىسانالى تالاپتار دەگەنىمىز نە؟
بۇل قاراجاتتى بالا كامەلەت جاسىنا، ياعني 18 جاسقا تولعان سوڭ عانا الا الادى. وعان دەيىن ول نىسانالى تالاپتار بولىپ سانالىپ، قوسىمشا تابىس تابۋ ءۇشىن ينۆەستيتسيالانادى. تيىسىنشە جىل سايىن بۇل سوما ۇلتتىق قور اكتيۆتەرىنىڭ ءوسۋى جانە ينۆەستيتسيالىق كىرىس الۋ ەسەبىنەن ۇلعايىپ وتىرادى. بۇدان بولەك، ەسەپتەلگەن قاراجات ۇلتتىق قوردىڭ ۆاليۋتالىق اكتيۆتەرىنىڭ قۇرامىندا ينۆەستيتسيالانۋىن جالعاستىرادى جانە باعدارلاماعا قاتىسۋشى بالالارعا ولار 18 جاسقا تولعانعا دەيىن قوسىمشا ينۆەستيتسيالىق كىرىس اكەلەدى.
ب ج ز ق مالىمەتىنشە، نىسانالى تالاپتار دەگەنىمىز - ەل ۇكىمەتىنىڭ ەلىمىزدىڭ 18 جاسقا دەيىنگى ازاماتتارى بولىپ تابىلاتىن بالالارى الدىنداعى ۇلتتىق قوردا جىل سايىنعى ينۆەستيتسيالىق كىرىستىڭ %50 ەسەبىنەن قالىپتاستىرىلاتىن مىندەتتەمەلەرى.
ب ج ز ق- دا قازاقستان ازاماتتارى بولىپ تابىلاتىن جانە اعىمداعى جىلى 18 جاسقا تولاتىن بالالاردىڭ نىسانالى جيناقتاۋ شوتتارىندا جيناقتالعان اقشا نىسانالى جيناقتار دەپ اتالادى. وسى قاراجاتتى پايدالانۋ ءۇشىن باعدارلامانىڭ كامەلەتكە تولعان قاتىسۋشىسى نىسانالى جيناقتاردى ب ج ز ق- دان ا ق ش دوللارىمەن اۋدارىلاتىن بانكتىك شوت اشىپ، ۋاكىلەتتى وپەراتورلارعا جۇگىنە الادى، - دەلىنگەن مالىمەتتە.
نەگىزى ب ج ز ق- دان الىناتىن ءتۇرلى تولەمدەر تابىس رەتىندە قاراستىرىلعاندىقتان، ادەتتە ونىڭ بارلىعىنا سالىق سالىنادى. ال «ۇلتتىق قور - بالالارعا» باعدارلاماسىندا ونداي جوق. ب ج ز ق بالالاردىڭ بۇل قاراجاتىنا سالىق سالىنبايتىنىن العا تارتتى، ياعني شوتقا قانشا اقشا اۋدارىلسا، 18 جاسقا تولعاننان كەيىن بالا سول قاراجاتتى تۇگەل پايدالانا الادى.
ءيا، وزىنە تيەسىلى سومانىڭ يگىلىگىن كورۋ ءۇشىن بالا مىندەتتى تۇردە كامەلەتكە تولۋى كەرەك. شوتتاعى قاراجاتتى تۇرعىن ۇيگە نەمەسە جوعارى ءبىلىم الۋىنا جۇمساۋعا 18 جاسقا تولعان ازامات قانا قۇقىلى.
نىسانالى جيناقتاردى كامەلەتكە تولعان ازامات enpf.kz سايتىنداعى ءوزىنىڭ جەكە كابينەتىندە، ب ج ز ق- نىڭ ۇيالى قوسىمشاسىندا نەمەسە egov.kz پورتالىندا ءوز بەتىنشە تەكسەرە الادى.
ۆيتسە-مينيستر بۇل باعدارلامانىڭ تيىمدىلىگىن نەگىزىنەن وعان 18 جىل بويى قاتىسقان بالالار كورەدى دەپ وتىر.
