ۇلتتىق قور – بالالارعا: 18 جاسقا تولعان بالالار قاراجاتىن الىپ جاتىر
استانا. KAZINFORM - «ۇلتتىق قور - بالالارعا» باعدارلاماسى اياسىندا 18 گە تولعان 63 بالا قاراجاتىن الىپ ۇلگەردى.
بۇل تۋرالى «ءبىرىڭعاي جيناقتاۋشى زەينەتاقى قورى» ا ق باسقارۋشى ديرەكتورى مۇرات ءشارىپوۆ ايتىپ بەردى.
جىل باسىنان بەرى باعدارلاما اياسىندا 6,9 ميلليون بالانىڭ ەسەپشوتىنا 100,52 ا ق ش دوللارى مولشەرىندە قاراجات اۋدارىلدى.
«وسى 6,9 ميلليون بالانىڭ 304815 ءى بيىل 18 جاسقا تولادى. سوندىقتان ول ازاماتتاردىڭ جيناقتاۋشى شوتتارىنا نىسانالى جيناقتار رەتىندە اقشا ءتۇستى. باعدارلاما جۇزەگە اسىرىلعان 9 كۇندە ب ج ز ق- عا جۇزدەن استام ءوتىنىش كەلىپ ءتۇستى. ونىڭ ىشىندە ءبىلىم بەرۋ اقىسىن تولەۋ تۋرالى 54، تۇرعىن ءۇي جاعدايلارىن جاقسارتۋ تۋرالى - 49 ءوتىنىش بار. ازىرگە 63 ءوتىنىش ورىندالدى، بەلگىلەنگەن بانك شوتتارىنا تولەمدەر جۇرگىزىلدى، 21 ءوتىنىش قاراستىرىلۋدا»، - دەدى م. ءشارىپوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە، سپيكەر 19 ءوتىنىشتىڭ قابىلدانباۋ سەبەبىن ءتۇسىندىردى.
«كەيبىر ازاماتتار بىرنەشە ءوتىنىش بەرگەن، سوماسىن نەمەسە دەرەكتەرىن قاتە كورسەتكەن. ولار وتىنىشتەرىن تۇزەپ، قايتا بەرە الادى. تولىق اقپارات enpf.kz سايتىنداعى «كورسەتكىشتەر» بولىمىندە ورنالاستىرىلعان»، - دەپ ءتۇسىندىردى ول.
