ۇلتتىق قۇرىلتايدىڭ ءۇشىنشى وتىرىسىندا كوتەرىلگەن باستامالار جۇزەگە اسىرىلا باستادى - ەرلان قارين
استانا. KAZINFORM — مەملەكەتتىك كەڭەسشى ەرلان قارين ۇلتتىق قۇرىلتايدىڭ ءۇشىنشى وتىرىسىندا كوتەرىلگەن باستامالاردى ءىس جۇزىندە جۇزەگە اسىرۋ پروتسەسى باستالعانىن ايتتى.
«مەملەكەت باسشىسى اتىراۋدا سويلەگەن سوزىندە لۋدومانياعا تاۋەلدىلىككە قارسى كۇرەس تۋرالى زاڭ جوباسىن پارلامەنتتىڭ اعىمداعى سەسسياسى اياقتالعانعا دەيىن قابىلدانۋى ءتيىس ەكەنىن ايتتى. بۇگىن ءماجىلىستىڭ الەۋمەتتىك- مادەني دامۋ كوميتەتىندە ويىن بيزنەسى، لوتەرەيا جانە لوتەرەيا قىزمەتى ماسەلەلەرى بويىنشا زاڭ جوباسىنىڭ، سونداي- اق اكىمشىلىك قۇقىقبۇزۋشىلىق تۋرالى كودەكسكە ىلەسپە تۇزەتۋلەردىڭ تانىستىرىلىمى ءوتتى. جوبانى AMANAT پارتياسى فراكتسياسىنىڭ جەتەكشىسى ەلنۇر بەيسەنبايەۆ تانىستىردى»، - دەپ اتاپ ءوتتى ەرلان قارين.
ايتۋىنشا، پارلامەنتارييلەردىڭ باستاماسىمەن ازىرلەنگەن زاڭ جوبالارى حالىقتى ويىنعا تاۋەلدىلىكتەن قورعاۋعا قورعاۋعا باعىتتالعان.
«زاڭ جوباسىن تالقىلاۋعا بۇل ماسەلەنى قوعامدىق ورتادا ءبىرىنشى بولىپ جانداردىرعان پارلامەنت دەپۋتاتتارى دا، ۇلتتىق قۇرىلتاي مەن پرەزيدەنت جانىنداعى جاستار ساياساتى جونىندەگى كەڭەس مۇشەلەرى دە قاتىسقانىن ايتا كەتكەن ءجون»، - دەدى ەرلان قارين.
