ۇلتتىق قۇرامانىڭ بۇرىنعى بوكسشىسى ءساماتالى تولتايەۆ كاسىپقوي بوكسقا اۋىستى

استانا. KAZINFORM - بوكستان ۇلتتىق قۇرامانىڭ بۇرىنعى مۇشەسى ءساماتالى تولتايەۆ كاسىپقوي بوكسقا اۋىستى.

BoxRec.com سايتىنىڭ حابارلاۋىنشا، ول 18- اقپاندا ىستامبۇلدا (تۇركيا) وتەتىن بوكس كەشىندە ونەر كورسەتىپ، جەرگىلىكتى بوكسشى رەفيك تارحانمەن (3-3، 1 ك و) جۇدىرىقتاسادى. جارتىلاي ورتا سالماقتاعى جەكپە-جەك ءتورت راۋندقا جوسپارلانعان.

ايتا كەتەيىك، ءساماتالى تولتايەۆ قازاقستان قۇراماسىنىڭ بۇرىنعى مۇشەسى. ول 60 كەلى سالماقتا ەل نامىسىن قورعاعان بولاتىن. جاستار اراسىندا بوكستان الەم چەمپيوناتىنىڭ فيناليسى، ازيا چەمپيونى (2017)، قازاقستان چەمپيونى (2020)، 2022-جىلعى ازيا چەمپيوناتىنىڭ قولا جۇلدەگەرى اتانعان.

وكىنىشكە قاراي 2023-جىلدىڭ 8- ناۋرىزىندا دوپينگكە قارسى ۇلتتىق ورتالىق جارىستان تىس تالداما قورىتىندىسىندا قان قۇرامىنان ورالتۋرينابول تابىلىپ، 2026-جىلدىڭ 31- ناۋرىزىنا دەيىن ۇلتتىق قۇراما ساپىندا جارىستارعا قاتىسۋ قۇقىعىنان ايىرىلعان بولاتىن.

اۆتور كۇنسۇلتان وتارباي