ۇلتتىق قاۋىپسىزدىك كوميتەتى پوليتسيامەن بىرلەسىپ، اسا قاۋىپتى 19 ۇيىمداسقان قىلمىستىق توپتىڭ ارەكەتىن توقتاتتى
استانا. KAZINFORM - ق ر ۇلتتىق قاۋىپسىزدىك كوميتەتى پوليسيا ورگاندارىمەن بىرلەسىپ، اسا قاۋىپتى 19 ۇيىمداسقان قىلمىستىق توپتىڭ ارەكەتىن توقتاتتى، دەپ حابارلايدى كوميتەتتىڭ باسپا ءسوز قىزمەتى.
باسپاءسوز قىزمەتىنىڭ مالىمەتتەرىنە قاراعاندا، اۋىر جانە اسا اۋىر قىلمىستار جاساعانى ءۇشىن ۇيىمداسقان قىلمىستىق توپتىڭ 72 جەتەكشىسى مەن بەلسەندى قاتىسۋشىسى قىلمىستىق جاۋاپكەرشىلىككە تارتىلدى.
جالپى 98 ادام كىسى ءولتىرۋ، توناۋ، بوپسالاۋ جانە باسقا دا اۋىر قىلمىستار جاسادى دەگەن كۇدىكپەن ۇستالدى، ولاردىڭ ىشىندە شەتەلدىك قىلمىسكەرلەردىڭ جەتەكشىلەرىنىڭ كومەكشىلەرى دە بار. ولاردىڭ 40 ى سوتتالىپ، قالعاندارىمەن سوتقا دەيىنگى تەرگەۋ ءجۇرىپ جاتىر.
- ۇيىمداسقان قىلمىسپەن كۇرەس بويىنشا ءىس- شارالار جالعاسۋدا. ۇلتتىق قاۋىپسىزدىك كوميتەتى ترانسۇلتتىق جانە وڭىرلىك قىلمىستىق توپتاردان قوعامدىق قاۋىپسىزدىككە تونگەن قاتەرلەرىنە قارسى تۇرۋعا ارنالعان كەشەندى شارالاردى ىسكە اسىرادى، - دەلىنگەن ۇ ق ك باسپا ءسوز قىزمەتى تاراتقان اقپاراتتا.
وسىعا دەيىن ۇلتتىق ۇلان ساربازدارىنىڭ بيىل قانداي قىلمىستاردى اشۋعا اتسالىسقانى تۋرالى جازدىق.
