ۇلتتىق قاۋىپسىزدىك كوميتەتى قارۋ جاسايتىن ءتورت جاسىرىن سەحتى جويدى
استانا. KAZINFORM - ۇ ق ك وكىلدەرى ارنايى وپەراتسيا بارىسىندا قارۋدىڭ قايتا اينالىمىنىڭ 7 ارناسى، ساتۋدىڭ 7 ىشكى ارناسى جانە ونى جاسايتىن جاسىرىن 4 سەحتى جويدى.
بۇل تۋرالى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنەن ءمالىم بولدى.
باسپا ءسوز قىزمەتىنىڭ مالىمەتتەرىنە قاراعاندا، 2024 -جىلى ۇلتتىق قاۋىپسىزدىك كوميتەتى پوليتسيا جانە پروكۋراتۋرا ورگاندارىمەن بىرلەسىپ، قارۋ-جاراقتاردى، ونىڭ ىشىندە «قاڭتار وقيعالارى» كەزىندە ۇرلانعانداردى ىزدەۋ جانە زاڭسىز اينالىمنان الۋ بويىنشا ءبىرقاتار جەدەل-ىزدەستىرۋ ءىس-شارالارىن جۇرگىزدى.
وسى وپەراتسيالار كەزىندە 58 كالاشنيكوۆ اۆتوماتى، 283 مىلتىق، 164 تاپانشا، 115 گراناتا جانە ءارتۇرلى كاليبردەگى 15 مىڭنان استام وق-ءدارى تاركىلەندى.
قارۋدىڭ زاڭسىز اينالىمىنا قارسى كۇرەس بويىنشا ءىس-شارالار جالعاسۋدا.
ۇ ق ك پوليتسيامەن بىرلەسىپ، اسا قاۋىپتى 19 ۇيىمداسقان قىلمىستىق توپتىڭ ارەكەتىن توقتاتتى.
