ۇلتتىق قاۋىپسىزدىك كوميتەتى ەلىمىزدە ۇيىمداستىرىلماق بولعان ەكى تەراكتىنىڭ الدىن الدى

ق ر ۇلتتىق قاۋىپسىزدىك كوميتەتىنىڭ وكىلدەرى بىلتىر ەلىمىزدە ۇيىمداستىرىلماق بولعان ەكى تەررورلىق ارەكەتتىڭ جانە شەتەلدىڭ ارناۋلى قىزمەتتەرىمەن بىرگە وزگە مەملەكەتتەردىڭ اۋماعىندا ءۇش لاڭكەستىك اكسيانىڭ الدىن الدى.

بۇل مالىمەتتەرمەن بۇگىن مەملەكەت باسشىسى قاسىم-جومارت توقايەۆقا 2023-جىلى اتقارىلعان جۇمىستار تۋرالى ەسەپ بەرگەن ق ر ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆ تانىستىردى.

ول كەلتىرگەن دەرەكتەرگە قاراعاندا، وتكەن 2023-جىلى لاڭكەستىك جانە ەكسترەميستىك قىلمىستار جاساعانى ءۇشىن 43 ادام سوتتالعان.

«جىل بويى ۇلتتىق قاۋىپسىزدىك كوميتەتىنىڭ ۇيلەستىرۋىمەن تەرروريزمگە قارسى 208 كوماندالىق-شتابتىق جانە 196 جەدەل-تاكتيكالىق وقۋ-جاتتىعۋ جيىنى ءوتتى»، - دەدى كوميتەت ءتوراعاسى.

سونداي-اق ول ەكونوميكالىق قاۋىپسىزدىكتى قامتاماسىز ەتۋ جانە ءجيى كەزدەسەتىن سىبايلاس جەمقورلىققا قارسى كۇرەس جۇمىستارىنىڭ ناتيجەسى جونىندە باياندادى.

ەرمەك ساعىمبايەۆتىڭ اتۋىنشا، قابىلدانعان شارالار ناتيجەسىندە جالپى 1,5 تريلليون تەڭگەدەن استام قارجى تۇسكەن، سونىڭ ىشىندە مەملەكەتتىك بيۋجەتكە قايتارۋ باستاماسى اياسىندا 680 ميلليارد تەڭگەدەن اسا قارجى قايتارىلعان.