ۇلتتىق قاۋىپسىزدىك كوميتەتى پاۆلوداردا كەزەكتى ەسىرتكى زەرتحاناسىنىڭ جولىن كەستى
استانا. KAZINFORM - پسيحوتروپتىق زاتتاردى دايىنداۋ كەزىندە قازاقستان ازاماتىن ۇستاپ، سوتتىڭ سانكتسياسىمەن قاماۋعا الدى، دەپ حابارلايدى ۇ ق ك باسپا ءسوز قىزمەتى.

بيىل 18- قاڭتاردا ۇ ق ك پاۆلودار وبلىسى بويىنشا دەپارتامەنتى پروكۋراتۋرا ورگاندارىنىڭ ۇيلەستىرۋىمەن جانە ءى ءى م- ءنىڭ «بۇركىت» ارنايى بولىمشەسىن قاتىستىرۋمەن پاۆلودار قالاسىندا ەسىرتكى زەرتحاناسىن جويۋ بويىنشا وپەراتسيانى ىسكە اسىردى.

- پسيحوتروپتىق زاتتاردى دايىنداۋ كەزىندە قازاقستان ازاماتىن ۇستاپ، سوتتىڭ سانكتسياسىمەن قاماۋعا الدى. ءتىنتۋ بارىسىندا 20 كيلوگرامنان اسا «مەفەدرون» ەسىرتكى زاتى، سونداي- اق زەرتحانالىق جابدىقتار مەن 1,5 توننادان استام پرەكۋرسورلار تاركىلەنگەن. قىلمىستىق كودەكستىڭ 297-بابىنىڭ 3-بولىگى بويىنشا سوتقا دەيىنگى تەرگەپ- تەكسەرۋ جۇرگىزىلۋدە. قىلمىستىق- پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى، - دەلىنگەن حابارلامادا.
