ۇلتتىق بانك «جوشى ۇلسى. 800 جىل» كوللەكسيالىق مونەتالارىن اينالىسقا شىعارادى
استانا. KAZINFORM - قازاقستان ۇلتتىق بانكى «ەستە قالاتىن وقيعالار مەن ءبىرتۋار ادامدار» سەرياسىنان «JOSHY ULYSY. 800 JYL» كوللەكسيالىق مونەتالارىن اينالىسقا شىعارادى.
مونەتالاردىڭ قاي كۇنى ساتۋعا شىعارىلاتىنى تۋرالى اقپارات ق ۇ ب-تىڭ رەسمي سايتىندا قوسىمشا جاريالانادى.
«JOSHY ULYSY. 800 JYL» كوللەكسيالىق مونەتالارى تۋرالى
جوشى حان - شىڭعىس حاننىڭ ۇلكەن ۇلى جانە التىن وردا اتانعان جوشى ۇلىسىنىڭ نەگىزىن قالاۋشى. ۇلىتاۋ وبلىسىندا ماڭىزدى تاريحي ەسكەرتكىش - قازاقستاننىڭ مادەني مۇراسىنىڭ ءبىر بولىگى سانالاتىن جوشى حان كەسەنەسى ورنالاسقان.
مونەتالاردىڭ ديزاينىندا جوشى حان ەسكەرتكىشىنىڭ بەينەسى پايدالانىلعان. ونىڭ اۆتورى - قازاقستاننىڭ بەلگىلى ءمۇسىنشىسى، مونۋمەنتاليست- سۋرەتشى عازيز ەشكەنوۆ. سىرت جاعىندا التىن وردا داۋىرىندەگى مونەتالاردان كوللاج ورنالاسقان.
مونەتالار:
- التىن جالاتىلعان، كۇمىس سىناماسى - 925/1000، ماسساسى 777,5 گرام، ديامەترى 100 م م، دايىنداۋ ساپاسى - «proof»، نومينالى 5 000 تەڭگەلىك، تارالىمى - 100 (ءجۇز) دانا؛
نومينالى 5000 تەڭگەلىك مونەتانىڭ بەينەسى
- التىن جالاتىلعان، كۇمىس سىناماسى - 925/1000، ماسساسى 311 گرام، ديامەترى 75 م م، دايىنداۋ ساپاسى - «proof»، نومينالى 2000 تەڭگەلىك، تارالىمى - 300 (ءۇش ءجۇز) دانا؛
نومينالى 2000 تەڭگەلىك مونەتانىڭ بەينەسى
- التىن جالاتىلعان، كۇمىس سىناماسى - 925/1000، ماسساسى 31,1 گرام، ديامەترى 38,61 م م، دايىنداۋ ساپاسى - «proof»، نومينالى 1000 تەڭگەلىك، تارالىمى - 1000 (ءبىر مىڭ) دانا؛
نومينالى 1000 تەڭگەلىك مونەتانىڭ بەينەسى
- م ن 25 مەلحيور قوسپاسىنان جاسالعان، ماسساسى 15 گرام، ديامەترى 33 م م، دايىنداۋ ساپاسى - «brilliant uncirculated»، نومينالى 200 تەڭگەلىك، تارالىمى - 8000 (سەگىز مىڭ) دانا.
نومينالى 200 تەڭگەلىك مونەتانىڭ بەينەسى
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمدەردىڭ بارلىق ءتۇرى بويىنشا قابىلداۋعا، سونداي-اق ەلدىڭ بارلىق بانكىندە بانك شوتتارىنا ەسەپكە الۋعا، اۋدارۋعا، ۇساقتاۋعا جانە ايىرباستاۋعا جاتادى.
كوللەكسيالىق مونەتالار قازاقستان تەڭگە سارايىندا دايىندالدى.
