ۇلتتىق بانك ءتوراعاسى دوللار باعامىنا قاتىستى تۇسىنىك بەردى

استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ دوللار كۋرسىنا قاتىستى پىكىر ءبىلدىردى.

ۇلتتىق بانك باسشىسىنىڭ ايتۋىنشا، تەڭگە باعامى سۇرانىس پەن ۇسىنىستىڭ اسەرىنە قاراي قالىپتاسادى. ويتكەنى ۇلتتىق ۆاليۋتا ەركىن اينالىمدا بولادى.

«كۋرس باعامىن ونداعان، جۇزدەگەن مىڭ ادام قالىپتاستىرادى. ەگەر ءسىز 1000 دوللار ساتقان بولساڭىز، دەمەك ءسىز ۇسىنىستى ارتتىردىڭىز، ال ساتىپ الساڭىز، سۇرانىستى ارتتىرىپ وتىرسىز»، - دەپ ءتۇسىندىردى ءماجىلىستىڭ جالپى وتىرىسى بارىسىندا ب ا ق وكىلدەرىنىڭ ساۋالىنا جاۋاپ بەرگەن تيمۋر سۇلەيمەنوۆ.

ۇلتتىق بانكتىڭ 30-قازانعا ارنالعان رەسمي باعامى - 1 دوللارعا 491,70 تەڭگە. رەسەي رۋبلىنىڭ ورتاشا سارالانعان قۇنى - 5,07 تەڭگە. ەۋرو - 531,28 تەڭگە.

«ەگەر ا ق ش سايلاۋى جانە وپەك + شەشىمىنەن كەيىن ايتارلىقتاي گەوساياسي وزگەرىستەر بولماسا جانە ءبىزدىڭ ىشكى ەكونوميكامىزدا قانداي دا ءبىر قۇبىلىس بولماسا، مەنىڭ ويىمشا، كۋرس باعامى اعىمداعى ماندە بولادى»، - دەپ تولىقتىردى.

بۇعان دەيىن ۇلتتىق بانك ءتوراعاسى 2025-جىلعى ينفلياتسيا ديناميكاسىنا قاتىستى تۇسىنىك بەردى.

سونداي-اق تيمۋر سۇلەيمەنوۆ بيىل توعىز ايدىڭ ىشىندە جالپى ىشكى ءونىم 4 پايىزعا ارتقانىن ايتقان ەدى.