ۇلتتىق بانك بازالىق مولشەرلەمەنى %15,25 عا دەيىن كوتەردى
استانا. KAZINFORM - قازاقستان رەسپۋبليكاسى ۇلتتىق بانكىنىڭ اقشا- كرەديت ساياساتى كوميتەتى بازالىق مولشەرلەمەنى +/- 1 پ. ت. دالىزىمەن جىلدىق% 15,25 دەڭگەيىندە بەلگىلەۋ تۋرالى شەشىم قابىلدادى.
شەشىم جاڭارتىلعان بولجامدار مەن ينفلياتسيا تاۋەكەلدەرى بالانسىنىڭ باعالاۋىن ەسكەرە وتىرىپ قابىلداندى، دەپ حابارلايدى ۇلتتىق بانكتىڭ باسپا ءسوز قىزمەتى.
قازاقستاندا جىلدىق ينفلياتسيا قازان ايىندا %8,5 عا دەيىن ءوستى.
بۇل «ءتاريفتى ينۆەستيتسياعا ايىرباستاۋ» باعدارلاماسىن ىسكە اسىرۋ اياسىندا رەتتەلەتىن قىزمەتتەردىڭ ايتارلىقتاي قىمباتتاۋى مەن تەڭگەنىڭ السىرەۋى سالدارىنان ورىن الۋدا. وعان قوسا ينفلياتسيانىڭ ورنىقتى بولىگى دە وسۋدە. جوعارى ىشكى سۇرانىس جاعدايىندا ازىق- تۇلىككە جاتپايتىن تاۋارلار مەن نارىقتىق قىزمەتتەر باعاسىنىڭ ءوسۋى ينفلياتسيانىڭ جەدەلدەۋىنە ىقپال ەتتى. بيۋدجەتتىڭ كىرىس بولىگىن ورىنداماۋعا بايلانىستى جالعاسىپ جاتقان فيسكالدىق ىنتالاندىرۋ ەسەبىنەن ەكونوميكا ىشىندەگى پروينفلياتسيالىق قىسىم ساقتالۋدا. قازان ايىندا حالىقتىڭ ينفلياتسيالىق كۇتۋلەرى تومەندەگەنمەن، قۇبىلمالى بولىپ قالۋدا.
جاھاندىق ينفلياتسيا جالپى باياۋلاۋدا. بۇل دامىعان ەكونوميكالارداعى ەڭبەك نارىعىنداعى جاعدايدىڭ تۇراقتانۋى جانە نەعۇرلىم باياۋ ىسكەرلىك بەلسەندىلىكتى قوسا العاندا، سىرتقى مونەتارلىق تالاپتاردىڭ بىرتىندەپ جەڭىلدەۋىنە اكەلۋدە. الايدا سىرتقى ينفلياتسيالىق قىسىم سوڭعى ايلاردا ارتۋدا. وعان ازىق- تۇلىكتىڭ الەمدىك باعاسىنىڭ ءوسۋى، رەسەيدەگى نەعۇرلىم جوعارى ينفلياتسيا جانە ايتارلىقتاي باعامدىق اۋىتقۋلار سەبەپ بولۋدا. قارجى نارىقتارىندا ەداۋىر وسكەن قۇبىلمالىلىق بايقالۋدا، بۇل بەلگىسىزدىك پەن ينفلياتسيالىق كۇتۋلەردىڭ وسۋىنە اسەر ەتۋى مۇمكىن.
بازالىق سەناريدە Brent ماركالى مۇنايدىڭ باعاسى بولجامدى كەزەڭنىڭ سوڭىنا دەيىن ورتاشا ەسەپپەن ءبىر باررەل ءۇشىن 70 ا ق ش دوللارىنا دەيىن تومەندەتۋ جاعىنا قاراي قايتا قارالدى. ستسەناريي شارتتارى باعانىڭ ناقتى ديناميكاسىن، قىتاي تاراپىنان سۇرانىستىڭ تومەندەۋىن، الەمدىك ەكونوميكانىڭ باياۋلاۋىن جانە سولتۇستىك جانە وڭتۇستىك امەريكادا ءوندىرۋدىڭ ءوسۋىن ەسكەرە وتىرىپ قالىپتاستىرىلعان.
2024 -جىلعا بولجانعان ينفلياتسيا %8-9 عا دەيىن ناقتىلاندى. 2025 -جىلعا ارنالعان بولجام -% 6,5-8,5 عا دەيىن، 2026 -جىلعا ارنالعان بولجام %5,5-7,5- عا دەيىن ءوسۋ جاعىنا قاراي قايتا قارالدى. ينفلياتسيانىڭ ورنىقتى بولىگى 2026 -جىلى %5 عا جاقىن قالىپتاسادى. جالپى ينفلياتسيا 2027 -جىلى نىساناعا جاقىن قالىپتاسادى دەپ كۇتىلەدى. الداعى جىلدارعا ينفلياتسيا بويىنشا نەعۇرلىم جوعارى بولجام فيسكالدىق ىنتالاندىرۋدىڭ كەڭەيۋىنە، تۇرعىن- ءۇي كوممۋنالدىق قىزمەتتەر (ت ك ق) رەفورمالارىنىڭ جالعاسۋىنا، ايىرباستاۋ باعامىنىڭ السىرەۋىنە جانە سىرتقى ينفلياتسيالىق قىسىمنىڭ كۇشەيۋىنە بايلانىستى. ينفلياتسيا بولجامىنىڭ تاۋەكەلدەرى ىشكى سۇرانىس تاراپىنان قىسىمنىڭ وسۋىنە، سىرتقى ينفلياتسيانىڭ جەدەلدەۋىنە جانە ينفلياتسيالىق كۇتۋلەردىڭ ارتۋىنا بايلانىستى. سونىمەن قاتار مەملەكەتتىك قارجىنى تۇراقتاندىرۋ قۇرالدارىنا قاتىستى بەلگىسىزدىك ساقتالۋدا. رەتتەلەتىن باعالار مەن تاريفتەردى ودان ءارى ءوسۋى، ونىڭ قارقىنى مەن مەرزىمى دە بولجامنىڭ ماڭىزدى تاۋەكەلى بولىپ قالىپ وتىر.
2024 -جىلعا بولجانعان قازاقستان ەكونوميكاسىنىڭ ءوسۋى %4-4,5 دەڭگەيىندە ناقتىلاندى. 2025 - جانە 2026 -جىلدارعا ارنالعان بولجام تيىسىنشە %4,5-5,5 جانە %4,6-5,6 عا دەيىن قايتا قارالدى. نەعۇرلىم تومەن بولجامدار مۇنايدىڭ سەنارييلىك باعاسىنىڭ تومەندەۋىنە جانە ءبىرقالىپتى سىرتقى سۇرانىسقا بايلانىستى. ۇلتتىق بانكتىڭ باعالاۋى بويىنشا بولجامدى كەزەڭ ىشىندە ەكونوميكا ىشكى ۇسىنىس مۇمكىندىكتەرىنەن اسىپ تۇسەتىن سۇرانىستىڭ كەڭەيۋى جاعدايىندا وسەدى. بۇل ورنىقتى تۇردە پروينفلياتسيالىق قىسىم كورسەتەتىن بولادى.
ايىرباستاۋ باعامىنىڭ السىرەۋى، ينفلياتسيانىڭ وسۋىنە بايلانىستى ناقتى ماندەگى پايىزدىق مولشەرلەمەلەردىڭ تومەندەۋى، سونداي- اق ونىڭ الداعى جىلدارعا بولجامدارىنىڭ ارتۋى اياسىندا جيىنتىق اقشا- كرەديت شارتتارى جۇمساردى. قارجى نارىقتارىندا وسكەن قۇبىلمالىلىقپەن بىرگە بۇل بازالىق مولشەرلەمەنى كوتەرۋدى قاجەت ەتتى. قارجى جانە ەنەرگەتيكا نارىقتارىنداعى قۇبىلمالىلىقتى ەسكەرە وتىرىپ، كوميتەت ينفلياتسيانى ورنىقتى باياۋلاۋ تراەكتورياسىنا تەزىرەك قايتارۋ جانە %5 دىق تارگەتكە جەتۋ ءۇشىن جاقىن ارادا شەشىم قابىلداۋ كەزىندە اقشا- كرەديت ساياساتىن قوسىمشا قاتاڭداتۋ قاجەتتىلىگىن مۇقيات باقىلايتىن بولادى.
قابىلدانعان شەشىم فاكتورلارى مەن بولجام تۋرالى بارىنشا تولىق اقپارات 2024 -جىلعى 9- جەلتوقساندا ۇلتتىق بانكتىڭ رەسمي ينتەرنەت- رەسۋرسىندا[1] اقشا- كرەديت ساياساتى تۋرالى باياندامادا ۇسىنىلادى.
قازاقستان رەسپۋبليكاسى ۇلتتىق بانكىنىڭ اقشا- كرەديت ساياساتى كوميتەتىنىڭ بازالىق مولشەرلەمە بويىنشا كەزەكتى جوسپارلى شەشىمى 2025 -جىلعى 17- قاڭتاردا استانا قالاسىنىڭ ۋاقىتىمەن ساعات 12:00 دە جاريالانادى.
