ۇلتتىق بانك ايلىق پەن سىياقى تولەۋ شىعىندارىن نەگە ارتتىردى
استانا. KAZINFORM - ۇلتتىق بانك ءتوراعاسى تيمۋر سۇلەيمەنوۆ بىلتىر نەگە ايلىق پەن سىياقى تولەۋ شىعىندارىن ارتتىرعانىن ءتۇسىندىردى.
- بىرىنشىدەن، بۇل ۇلتتىق بانك فيليالدارىنىڭ كەڭەيۋىمەن بايلانىستى. جاڭا وبلىستار قۇرىلىپ، ۇلتتىق بانكتىڭ جاڭا اۋماقتىق بەكەتتەرى اشىلعاندىقتان، شتات سانىن ۇلعايتقانبىز جانە فيليالداردىڭ ەڭبەكاقىسىن ارتتىردىق.
ەكىنشىدەن، قازىر قارجى نارىعىن رەتتەۋ جانە دامىتۋ اگەنتتىگىنىڭ جۇمىسىن ۇلتتىق بانك بيۋجەتى قارجىلاندىرىپ وتىر. بۇرىن ول رەسپۋبليكالىق بيۋجەتتەن قارجىلاندىرىلاتىن. ءبىراق ول جەردە بەلگىلى ءبىر پروبلەمالار بولعان. سوندىقتان 2024-جىلى ول مىندەتتى بىزگە بەردى.
سوندا قازىر ءوز ايلىعىمىزدى عانا ەمەس، اگەنتتىكتەگى ارىپتەستەرىمىزدىڭ ايلىعىن دا ءبىزدىڭ بيۋجەتتەن تولەدىك، - دەدى ول.
تيمۋر سۇلەيمەنوۆ بۇل مالىمەتتەردىڭ ءبارى جانە سەبەپتەرى ۇلتتىق بانكتىڭ جىلدىق ەسەبىندە جاريالاناتىنىن ايتتى.
ايتا كەتەيىك، بۇگىن ۇلتتىق بانك بازالىق مولشەرلەمە تۋرالى جاڭا شەشىم قابىلدادى.
