ۇلتتىق بانك اقشا-كرەديت ساياساتىن قوسىمشا قاتاڭداتۋ قاجەتتىگىن مۇقيات باقىلايدى
استانا. KAZINFORM - ۇلتتىق بانك اقشا-كرەديت ساياساتىن قوسىمشا قاتاڭداتۋ قاجەتتىگىن مۇقيات باقىلايدى. بۇل تۋرالى بۇگىن ۇكىمەت وتىرىسىندا ۇلتتىق بانك ءتوراعاسى تيمۋر سۇلەيمەنوۆ ايتتى.
- ءىر ساۋدا سەرىكتەسىمىز رەسەيدەگى ينفلياتسيانىڭ جەدەلدەۋى جانە الەمدىك ازىق-تۇلىك نارىقتارىنداعى باعانىڭ ءوسۋى بايقالىپ جاتىر. بۇل جاعدايدا ۇلتتىق بانك 29-قاراشادا بازالىق مولشەرلەمەنى 15,25 پايىزعا دەيىن كوتەردى. قارجى جانە ەنەرگەتيكا نارىقتارىنداعى قۇبىلمالىق جاعدايىندا ۇلتتىق بانك ينفلياتسيانىڭ 5 پايىزدىق ورتا مەرزىمدى تارگەتتىك باياۋلاۋ تراەكتورياسىن قاداعالاپ، ول ءۇشىن اقشا-كرەديت ساياساتىن قوسىمشا قاتاڭداتۋ قاجەتتىگىن مۇقيات باقىلايتىن بولادى، - دەدى تيمۋر سۇلەيمەنوۆ.
ونىڭ اتاپ وتۋىنشە، قاراشانىڭ قورىتىندىسى بويىنشا جىلدىق ينفلەتسيا 8,4 پايىز دەڭگەيىندە قالىپتاستى. ينفلياتسيانىڭ باياۋلاۋىنا ازىق- تۇلىك تاۋارلارىنىڭ دەزينفلياتسياسى ىقپال ەتۋدە.
الايدا سوڭعى ايدا ونىڭ 5,4 پايىزعا دەيىن جەدەلدەۋى تىركەلدى. ازىق-تۇلىككە جاتپايتىن تاۋارلار باعاسىنىڭ ءوسۋى از عانا باياۋلاپ، 8 پايىزدى قۇرادى.
