ۇلتتىق بانك زەينەتاقى قورىنداعى قاراجاتقا قاتىستى مالىمدەمە جاسادى

- ءبىرىڭعاي جيناقتاۋشى زەينەتاقى قورىنىڭ اكتيۆتەرى جىل باسىنان بەرى 26,6 تريلليون تەڭگەگە دەيىن %6,1 عا ۇلعايدى. زەينەتاقى جارنالارى - 2,2 تريلليون تەڭگە، ينۆەستيتسيالىق كىرىس كولەمى 9 ايدا 766,3 ميلليارد تەڭگەگە جەتتى، - دەدى ول.

سونىمەن بىرگە، زەينەتاقى قاراجاتىنان 490 ميلليارد تەڭگە مەرزىمىنەن بۇرىن الىندى.

- ونىڭ نەگىزگى بولىگى، ياعني 404 ميلليارد تەڭگەگە جۋىعى 2026-جىلدىڭ 1-جارتى جىلىنا نەمەسە زەينەتاقى جيناقتارىنىڭ ەڭ تومەنگى جەتكىلىكتىلىك شەكتەرى كوتەرىلگەنگە دەيىنگى كەزەڭگە تيەسىلى، - دەدى ق ر ۇ ب ءتوراعاسىنىڭ ءبىرىنشى ورىنباسارى.

ودان بولەك، ەرۇلان جاماۋبايەۆ دەپوزيتتەر كولەمىنە دە توقتالدى.

- دەپوزيتتەردىڭ كولەمى تامىزدىڭ سوڭىندا 50,2 تريلليون تەڭگەگە دەيىن %17,2 عا ۇلعايدى. وسىمگە نەگىزگى ۇلەس قوسقان ۇلتتىق ۆاليۋتاداعى دەپوزيتتەر 41,0 تريلليون تەڭگەگە دەيىن 23 پايىزعا ارتقان. بۇل جۇرگىزىلىپ جاتقان اقشا-كرەديت ساياساتىنىڭ اياسىندا تەڭگەمەن قاراجات جيناقتاۋدىڭ تيىمدىلىگىن كورسەتەدى. دەپوزيتتەردىڭ دوللارلانۋ دەڭگەيى تاريحي تومەن ماندە قالىپتاستى، - دەدى ول.

ايتا كەتەيىك، بۇعان دەيىن ۇكىمەت وتىرىسىندا ساۋدا جانە ينتەگراتسيا ءمينيسترى ارمان شاققاليەۆ ەلىمىزدە ساۋدا كولەمى 61 تريلليون تەڭگەگە جەتكەنىن مالىمدەگەن ەدى.