ۇلتتىق پانتەوندا جەرلەنەتىن تۇلعالار ءتىزىمى كەڭەيتىلدى

جاڭارتىلعان قۇجاتقا سايكەس، قازاقستان رەسپۋبليكاسىنىڭ ۆيتسە-پرەزيدەنتتەرى، قۇرىلتاي ءتوراعالارى جانە ولاردىڭ ورىنباسارلارى، حالىق كەڭەسىنىڭ ءتوراعالارى جانە ولاردىڭ ورىنباسارلارى، قازاقستان رەسپۋبليكاسىنىڭ مەملەكەتتىك كەڭەسشىلەرى، قاۋىپسىزدىك كەڭەسى ءتوراعاسىنىڭ ورىنباسارلارى پانتەون اۋماعىندا جەرلەنەتىن ادامدار تىزىمىنە ەنگىزىلدى.

ايتا كەتەرلىگى، قايتىس بولعان (قازا تاپقان) ادامداردى جەرلەۋدى ۇيىمداستىرۋدى قايتىس بولعان (قازا تاپقان) ادامنىڭ جۇبايىنىڭ (زايىبىنىڭ)، جاقىن تۋىسقاندارىنىڭ نە زاڭدى وكىلىنىڭ باستاماسىمەن استانانىڭ، وبلىستاردىڭ، رەسپۋبليكالىق ماڭىزى بار قالالاردىڭ جەرگىلىكتى اتقارۋشى ورگاندارى جۇرگىزەدى.

وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى پانتەوندا ءمايىتتى جەرلەۋ ءۇشىن مىناداي ءىس-شارالاردى ۇيىمداستىرادى:

- جەرلەۋگە ارنالعان قۇجاتتاردى رەسىمدەۋ؛

- قايتىس بولعان (قازا تاپقان) ادامدى جەرلەۋ ءۇشىن پايدالانىلاتىن قاجەتتى اتريبۋتتاردى ۇسىنۋ؛

- قايتىس بولعان (قازا تاپقان) ادامنىڭ ءمايىتىن پانتەونعا تاسىمالداۋ؛

- جەرلەۋ.

بۇعان دەيىن استانا اكىمدىگى ۇلتتىق پانتەوندى كۇتىپ ۇستايتىن مەملەكەتتىك مەكەمە قۇراتىنىن جازعان ەدىك.