19:34, 28 - ماۋسىم 2021 | GMT +5
LRT قۇرىلىسى: مونتاجداۋ جۇمىستارىنا دايىندىق باستالدى
نۇر-سۇلتان. قازاقپارات - ەلورداداعى LRT قۇرىلىسىنىڭ الاڭىندا قۇرىلىس-مونتاجداۋ جۇمىستارىنا دايىندىق باستالدى، دەپ حابارلايدى قازاقپارات ءتىلشىسى.
بۇل تۋرالى CTS كومپانياسىنىڭ باسپا ءسوز قىزمەتى مالىمەت تاراتتى.
«مەردىگەر «CRAEG» قىتايلىق كونسورتسيۋمى قازىرگى ۋاقىتتا كەلىسىم-شارتتىق مىندەتتەمەلەر شەڭبەرىندە قۇرىلىس-مونتاجداۋ جۇمىستارىنا دايىندىق جۇمىستارىن جۇرگىزىپ جاتىر. پاندەمياعا بايلانىستى قۇرىلىس-مونتاجداۋ جۇمىستارىن جۇرگىزۋ كەستەسى تۇزەتىلدى. ويتكەنى وعان دەيىن قىتاي ماماندارى ەلىمىزگە كىرە الماعان ەدى»، - دەپ جازىلعان كومپانيانىڭ مالىمەتىندە.
ەسكە سالساق، مامىر ايىنىڭ سوڭىندا اتالمىش جوباعا بولىنگەن 6 ميلليارد تەڭگەگە جۋىق قارجىنى تالان-تاراجعا سالدى دەگە ايىپ تاعىلعان بىرنەشە ازامات 7-10 جىلعا سوتتالعان بولاتىن.
