التاي كولگىنوۆ LRT قۇرىلىسى قانشالىقتى ارزانداعانىن ايتتى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا نۇر-سۇلتان قالاسىنىڭ اكىمى التاي كولگىنوۆ ايتتى، دەپ حابارلايدى قازاقپارات ءتىلشىسى.
«پرەزيدەنت تاپسىرماسىنا سايكەس، LRT قۇرىلىسى جوباسىن ايتارلىقتاي وڭتايلاندىردىق. وزدەرىڭىزدە بىلەسىزدەر، سىن كوپ بولدى. باستاپقىدا قىتايدىڭ كوممەرتسيالىق بانكىنەن 20 جىلعا نەسيە الىنعان. وسى ۋاقىتتىڭ ىشىندە ارتىق تولەم 800 ميلليون دوللار بولار ەدى. ءبىز ودان باس تارتتىق جانە ىشكى زايمعا اۋىستىق»، - دەدى قالا باسشىسى.
ونىڭ اتاپ وتۋىنشە، قابىلدانعان شارالاردىڭ ناتيجەسىندە شىعىنداردى ۇنەمدەۋ شامامەن 1,2 ميلليارد دوللاردى قۇرايدى. ونىڭ ىشىندە: نەسيەگە قىزمەت كورسەتۋ بويىنشا ۇنەمدەۋ 800 ميلليون دوللاردان اسادى، قۇرىلىس-مونتاج جۇمىستارىنا ۇنەمدەۋ 350 ميلليون دوللار بولادى.
«قازىر جوسپاردان 7 ستانساعا كەم. بۇل دا قاراجاتتى ۇنەمدەۋگە مۇمكىندىك بەردى. جىلجىمالى قۇرامعا قاتىستى ايتار بولسام، باستاپقىدا جوبادا قوزعالىس ارالىعى 3 مينۋت بولۋى ءتيىس ەدى. ءبىز تۇرعىندار سانىن جانە جۇكتەمەنىڭ قانداي بولاتىندىعىن ەسكەردىك. ماماندارمەن ەسەپتەپ، باستاپقى كەزەڭدە 10 مينۋت جەتكىلىكتى دەپ شەشتىك. ودان كەيىن جيىرەك بولا باستايدى. جەر استى وتكەلدەردىڭ دە سانىن قىسقارتىپ، ناتيجەسىندە 350 ميلليون تەڭگە قاراجات ۇنەمدەدىك. جالپى ۇنەم كولەمى شامامەن 1,2 ميلليارد دوللاردى قۇرايدى. كورىپ وتىرعاندارىڭىزداي، جوبا ءبىرشاما ارزاندادى. تولىقتاي العاندا LRT-نى سالىپ ءبىتىرۋ مىندەتى تۇر. سەبەبى كوپتەگەن دۇنيە جاسالىپ، ينفراقۇرىلىم تارتىلىپ قويىلعان»، - دەدى التاي كولگىنوۆ.
اۆتور: مارلان جيەمباي
