LRT ستانسيالارىنداعى نەگىزگى قۇرىلىس جۇمىستارى اياقتالدى

استانا. قازاقپارات - LRT جەلىسى ستانتسيالارىنىڭ تەمىربەتوندى نەگىزگى قۇرىلىستارى %100 اياقتالدى، دەپ حابارلايدى استانا قالاسى اكىمدىگىنىڭ باسپا ءسوز قىزمەتى.

جۇمىستار اياسىندا مونوليتتى قاڭقالار، كوتەرگىش ارقالىقتار، پلاتفورمالاردىڭ تەمىربەتوندى كونسترۋكتسيالارى، ريگەلدەر جانە باسقا دا ەلەمەنتتەر سالىندى. بۇل ءۇشىن ۆ45 ماركالى 79971 تەكشە مەتر بەتون مەن 9,59 مىڭ توننا ارماتۋرا قولدانىلدى.

LRT جەلىسى كوپ دەڭگەيلى زالدارى مەن پلاتفورمالارى بار 18 ستانسيادان تۇرادى، ولار ەكى تۇرگە بولىنەدى: جەردەگى (11 ستانسيا) جانە جەر ءۇستى (7 ستانتسيا). جەر ءۇستى ستانسيالارىنىڭ ەرەكشەلىكتەرى: سىعاناق كوشەسىندە (2 ستانسيا)، ش. قالداياقوۆ كوشەسىندە (4 ستانسيا) جانە «نۇرلى جول» تەمىرجول ۆوكزالى اۋدانىندا (1 ستانسيا) ورنالاسقان ستانسيالار جولعا ورتالىقتاندىرىلعان ورنالاسۋىمەن ەرەكشەلەنەدى. ستانسيالارعا قاۋىپسىز كىرۋ ءۇشىن جەرۇستىنەن وتەتىن ەكى وتكەل قاراستىرىلعان. بارلىعى - 14 وتكەل.

- بيىلعى جىلى  101-ستانسياسىنىڭ (%100 دايىن) قاسبەت جۇمىستارى اياقتالدى، وعان 497,51 توننا مەتال كونسترۋكسيالارىن ورناتۋ جانە سىرتقى پانەلدەر مەن ۆيتراجداردى قاپتاۋ (4 765 م²) كىرەدى.  109-جانە  112-ستانسيالارىندا 1210,22 توننا مەتال كونسترۋكسيالارى ورناتىلدى، - دەلىنگەن اكىمدىك حابارلاماسىندا.

2025-جىلى بارلىق ستانسيالاردىڭ قۇرىلىسى تولىعىمەن اياقتالادى دەپ جوسپارلاندى. ونىڭ ىشىندە: - قاسبەتتەردىڭ مونتاجى، - جەرۇستىنەن وتەتىن وتكەلدەردىڭ قۇرىلىسى، - ىشكى ارلەۋ جۇمىستارى، - جاقىن اۋماقتاردى اباتتاندىرۋ.

ەسكە سالساق، بۇعان دەيىن قىتايدىڭ جەڭىل رەلستى پويىزدارىنا تاپسىرىس بەرىلىپ جاتقانى حابارلانعان ەدى.