LRT كونسترۋكسياسى الىنىپ جاتىر: تاعى 4 اۆتوبۋستىڭ مارشرۋتى وزگەردى

استانا. قازاقپارات - City Transportation Systems كومپانياسى جوندەۋ جۇمىسىنا بايلانىستى بىرنەشە اۆتوبۋستىڭ باعدارىنا وزگەرىس ەنگەنىن حابارلادى.

ۆەدومستۆو مالىمەتىنشە، قالادا LRT جول وتكەلدەرىندەگى ۋاقىتشا مەتالل كونسترۋكتسيالار الىنىپ، دەمونتاج جاسالىپ جاتىر.

وسىعان بايلانىستى № 43، 10، 12، 51 باعدارلاردىڭ قوزعالىس سىزباسى ۋاقىتشا وزگەرەدى.

اۋىسقان قوزعالىس سحەماسىمەن مىنا سىلتەمەدەن قاراپ تانىس بولا الاسىزدار.

«ساپارلارىڭىزدى الدىن الا جوسپارلاۋدى سۇرايمىز» دەپ ەسكەرتەدى City Transportation Systems باسپا ءسوز قىزمەتىنەن.

مۇنىڭ الدىندا № 25، 61 اۆتوبۋستاردىڭ دا باعىتى وزگەرگەن بولاتىن.

سونداي- اق وسى LRT مەتالل كونسترۋكتسيالارىنىڭ دەمونتاج جۇمىسىنا بايلانىستى حۋسەين بەن تالال جانە جاڭاداريا كوشەلەرى جابىلدى.