لۋۆردا قازاق ونەرىنىڭ كورمەسىن وتكىزۋگە كەلىسسوز ءجۇرىپ جاتىر
استانا. KAZINFORM - پاريجدەگى ايگىلى لۋۆر مۋزەيىندە قازاق ونەرىنىڭ كورمەسىن وتكىزۋ ماقساتىندا كەلىسسوزدەر ءجۇرىپ جاتىر.
بۇل تۋرالى مادەنيەت جانە اقپارات مينيسترلىگى مادەنيەت كوميتەتىنىڭ ءتوراعاسى كۇمىس سەيىتوۆا ءمالىم ەتتى.
«جاقىن ارادا مادەنيەت جانە اقپارات ءمينيسترى باستاعان توپ وكىل فرانسياعا بارىپ لۋۆر مۇراجايىندا كورمە ۇيىمداستىرۋ جاعىن تالقىلادى. بيىل فرانسيا استاناسى پاريجدەگى گيمە شىعىس ونەرى مۋزەيىندە ۇلتتىق مۋزەيدىڭ كورمەسى وتەدى. ال لۋۆر بويىنشا كەلىسسوزدەر ءجۇرىپ جاتىر»، - دەدى كۇمىس سەيىتوۆا 60-ۆەنەتسيا ونەر بيەننالەسىندە قازاقستاننىڭ كورمەسىن ۇيىمداستىرۋعا وراي وتكەن باسپا ءسوز ءماسليحاتىندا.
ەسكە سالا كەتسەك، وتكەن جىلى اقپاندا سول كەزدەگى مادەنيەت جانە سپورت ءمينيسترى اسحات ورالوۆ لۋۆردا قازاق ونەرىنىڭ كورمەسى وتەتىنى تۋرالى مالىمدەگەن ەدى.
بىلتىر كۇزدە مينيسترلىككە قاراستى مادەنيەت كوميتەتىنەن لۋۆر مۋزەيىنە قويىلاتىن ۇلتتىق پاۆيلوننىڭ جوباسى ازىرلەنىپ جاتقانى ايتىلدى.
