ەلەنا رىباكينا بەيجىڭدە ازيادا چەمپيونىن ويسىراتا ۇتتى
قازاقستاننىڭ ءبىرىنشى، الەمنىڭ 5-راكەتكاسى ەلەنا رىباكينا بەيجىڭ (قىتاي) WTA 1000 ءتۋرنيرىنىڭ ەكىنشى اينالىمىنا شىقتى.

قازاقستاندىق تەننيسشى العاشقى اينالىمدا الەمنىڭ 23-راكەتكاسى، بيىلعى ازيا ويىندارىنىڭ جەڭىمپازى، قىتايلىق چجەن تسينۆەنمەن شەبەرلىك بايقاستى.
ءبىرىنشى پارتيادا رىباكينا ەكى برەيك جاساپ، وڭاي ءبىتىردى - 6:1.
ەلەنا ەكىنشى سەتتە دە سول قارقىنىنان تانعان جوق - 6:2.
ءبىر ساعات 1 مينۋتقا سوزىلعان باسەكە بارىسىندا قازاقستاندىق سپورتشى 3 ەيس جاساپ، 7 برەيك- پوينتتىڭ تورتەۋىن پايدالانا ءبىلدى.
ەلەنا رىباكينا ەكىنشى اينالىمدا الەمنىڭ 53-راكەتكاسى، گەرمانيالىق تاتيانا ماريامەن كەزدەسەدى.
قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا رەسەيلىك اناستاسيا پانوۆامەن بىرگە برازيليالىق بەاتريس حادداد مايا - رەسەيلىك ۆەرونيكا كۋدەرمەتوۆاعا جول بەردى - 4:6، 6:4، 7:10.
ەسكە سالا كەتەيىك، بۇدان بۇرىن يۋليا پۋتينتسيەۆانىڭ بەيجىڭدە الەمنىڭ 30-راكەتكاسىن جەڭگەنىن جازعان بولاتىنبىز.
سونداي- اق استانا تۋرنيرىندە جارتىلاي فينالعا شىققان تەننيسشىلەر انىقتالدى.