گۇلميرا ساتىبالدىعا جاڭادان ايىپتار تاعىلىپ، تەرگەۋ جۇرگىزىلدى - انتيكور
استانا. KAZINFORM - گۇلميرا ساتىبالدىعا قاتىستى جاڭادان ايىپتار تاعىلىپ، تەرگەۋ امالدارى اياقتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ كومەكشىسى، رەسمي وكىل دانيار بيگايداروۆ ءمالىم ەتتى.
«كۇدىكتى گۇلميرا ساتىبالدى مەن باسقا دا ادامدارعا قاتىستى باس بوستاندىعىنان زاڭسىز ايىرۋ، اسا ءىرى مولشەردە قارجى بوپسالاۋ، اۋىر زارداپتارعا اكەپ سوققان ءوزىن-ءوزى باسقارۋ فاكتىلەرى بويىنشا تەرگەۋ اياقتالدى. الماتى قالاسىنىڭ تەرگەۋ سوتى كۇدىكتىنى قاماۋدا ۇستاۋ سانكسياسىن تاعايىندالدى. قازىر قىلمىستىق پروتسەسكە قاتىسۋشىلار ءىس ماتەريالدارىمەن تانىسۋدا، سودان كەيىن ول سوتقا جىبەرىلەدى»، - دەدى دانيار بيگايداروۆ اگەنتتىكتە وتكەن باسپا ءسوز ءماسليحاتىندا.
ەسكە سالايىق، گۇلميرا ساتىبالدى كاسىپورىنداردىڭ قاتىسۋ ۇلەسىن زاڭسىز يەمدەنۋ، سونىڭ ىشىندە ادام ۇرلاۋمەن ۇشتاسقان ەكى فاكتى بويىنشا تەرگەۋگە الىنعان ەدى. جابىرلەنۋشىگە كەلگەن زالال سوماسى - 6,6 ميلليارد تەڭگەدەن اسادى.
سونداي-اق، گۇلميرا ساتىبالدىنىڭ سوتقا دەيىنگى تەرگەۋ كەزىندە شەكارا اسىپ كەتپەك بولعانى بەلگىلى بولدى.
ول سوتتا ايىبىن ءىشىنارا عانا مويىندادى.
ايتا كەتسەك، پروكۋرور گۇلميرا ساتىبالدىنى 8 جىلعا باس بوستاندىعىنان ايىرۋدى سۇراعان ەدى.
