ەلەكتر ساموكاتتاردىڭ جاڭا قاۋىپسىز ءتۇرى جاسالدى
قالالاردا ادامداردىڭ قوزعالىسىن جەڭىلدەتەتىن جاڭا ساموكاتتار شىعارىلدى. بۇل ساموكاتتاردا قاۋىپسىزدىك دەڭگەيى جوعارى بولادى دەيدى ماماندار.
ادامدارعا ىڭعايلى ەكولوگيالىق ورتا جاساۋدا ەلەكتر كولىكتەرگە كوپ باسىمدىق بەرىلۋدە. وسىنداي كولىكتىڭ جاڭا قاۋىپسىز ءتۇرى شىعارىلعانىن newatlas.com سايتى حابارلادى. Aikyn.kz امەريكالىق ارىپتەستەردىڭ ماقالاسىنا سۇيەنىپ وسى كولىكتىڭ ءتۇرى ەرەسەكتەر مەن جاستار اراسىندا سۇرانىسقا يە بولۋ مۇمكىندىگىن تالدايدى.
كوپشىلىك قاۋىم ەگدە جاستاعى ادامدار مەن جاستارعا بىردەي ۇنامدى ەلەكتر سكۋتەرلەرى تۋرالى ويلاعاندا، ولاردىڭ تەحنيكالىق سيپاتتاماسىمەن بىرگە كولىكتىڭ ديزاينىنا كوڭىل بولەدى.
تولىعىمەن جابىق تولىق جەتەكتى 3 دوڭعالاقتى Tectus كولىگى كوپشىلىكتىڭ كوڭىلىنەن شىعاتىن سياقتى.
وسى اپتادا جاريالانعان ءبىر جولاۋشىعا ارنالعان Tectus-تى كانادالىق Avvenire ەلەكتر كولىگىن جاساۋشى كومپانيا ۇسىندى. بۇل كومپانيا بۇعان دەيىن دە الدەقايدا سپورتتىق ءۇش دوڭعالاقتى Leggera Roadster-دى ۇسىنعان ەدى.
بۇل جولعى جاڭا Tectus ەكى ەلەكتر قوزعالتقىشىمەن قوزعالادى - بىرەۋى الدىڭعى دوڭعالاق ءۇشىن، ەكىنشىسى جالپى قۋاتى 2000 ۆ ت. ولار كولىككە 32 ك م/ساع جىلدامدىقپەن قوزعالۋعا مۇمكىندىك بەرەدى. ليتي باتارەياسىنىڭ ءبىر زاريادى 160 ك م قاشىقتىققا جەتەدى.
سولتۇستىك امەريكادا Tectus جۇرگىزۋشىلەرىنە ليتسەنزيا نەمەسە كولىكتى ساقتاندىرۋ تالاپ ەتىلمەيدى - كولىك نەگىزىنەن قالا ىشىندە عانا پايدالانۋعا ارنالعان.
كادىمگى ەسىكتەردىڭ ورنىنا Tectus كىرۋ جانە شىعۋ ءۇشىن العا قاراي ەڭكەيتىلەتىن شاتىرمەن جابدىقتالعان. باقىتىمىزعا وراي، بۇل شاتىردى كوتەرۋ جانە ءتۇسىرۋدى ۇناتپايتىن پايدالانۋشىلار ءۇشىن ول ەلەكترلى - ونى سىمسىز قاشىقتان باسقارۋ پۋلتى ارقىلى قاشىقتىقتان اشۋعا بولادى. كولىكتىڭ ارتقى جاعىنداعى قاقپاعى بار قوراپ ازىق-تۇلىك پەن باسقا دا جۇكتەردى تاسىمالداۋ ءۇشىن ورناتىلعان.
Tectus قازىرشە ەكى مودەلدە جاسالدى - Deluxe $ 6995 جانە Ultimate $ 8999. سوڭعىسىنىڭ ەرەكشە مۇمكىندىكتەرىنە رەزەرۆتىك كامەرا (كەدەرگى داتچيكتەرى بار)، جۇمىس ىستەيتىن شامدار، ستەرەو دىبىس جۇيەسى، GPS باقىلاۋ، جىلىتۋ مەن اۋانى باپتاۋ كىرەدى. سىمسىز زاريادتاۋ قوسىمشا وپتسيا بولىپ ەسەپتەلەدى.
Tectus كولىگىنىڭ باتارەياسىن جىلدام زاريادتاۋعا ەكى ساعات ۋاقىت كەرەك. كولىكتى ۇناتقاندار قازىردىڭ وزىندە Avvenire ۆەب-سايتىندا الدىن الا تاپسىرىس بەرۋگە بولادى. جەتكىزۋ وسى جىلدىڭ سوڭىندا باستالادى.
جول قوزعالىسىنا قوسىلعان كولىك قۇرالىن باسقارۋشى ءوزىنىڭ جانە باسقالاردىڭ ومىرىنە قاۋىپ توندىرمەۋى ءتيىس.
