مەملەكەت باسشىسىنا ورتا ءبىلىم بەرۋ جۇيەسىنە جاساندى ينتەللەكتىنى ەنگىزۋ جوباسى تانىستىرىلدى
استانا. قازاقپارات - AI جانە Digital Bridge 2026 حالىقارالىق فورۋمى اياسىندا مەملەكەت باسشىسى قاسىم-جومارت كەمەل ۇلى توقايەۆقا ورتا ءبىلىم بەرۋ جۇيەسىنە جاساندى ينتەللەكتىنى ەنگىزۋ باعىتىندا اتقارىلىپ جاتقان جۇمىستار تانىستىرىلدى.
ق ر وقۋ-اعارتۋ مەملەكەت باسشىسىنىڭ ءبىلىم ساپاسىن ارتتىرۋ جانە قالا مەن اۋىل مەكتەپتەرى اراسىنداعى الشاقتىقتى قىسقارتۋ جونىندەگى تاپسىرمالارىن ىسكە اسىرۋ اياسىندا جاساندى ينتەللەكت مۇمكىندىكتەرىن ءبىلىم بەرۋ ۇدەرىسىنە جۇيەلى ەنگىزۋگە ەرەكشە نازار اۋدارىلىپ وتىر.
فوتو: قر وقۋ- اعارتۋ مينيسترلىگى
وقۋ-اعارتۋ ءمينيسترى جۇلدىز سۇلەيمەنوۆا جانە Sinovation Ventures پەن 01.ai كومپانيالارىنىڭ باس اتقارۋشى ديرەكتورى لي كاي-فۋ جاساندى ينتەللەكت تەحنولوگيالارىن ورتا ءبىلىم بەرۋ جۇيەسىندە قولدانۋدىڭ نەگىزگى تاسىلدەرى مەن مۇمكىندىكتەرىن تانىستىردى. جوبا پەداگوگتەردىڭ جۇمىسىن قولداۋعا، وقىتۋدى ءار وقۋشىنىڭ جەكە قاجەتتىلىگىنە بەيىمدەۋگە، سونداي-اق اۋىلدىق جانە شاعىن جيناقتى مەكتەپتەر ءۇشىن ساپالى ءبىلىمنىڭ قولجەتىمدىلىگىن ارتتىرۋعا باعىتتالعان.
بۇل باعىتتاعى نەگىزگى قاعيدات - جاساندى ينتەللەكت ءمۇعالىمدى الماستىرماي، ونىڭ كاسىبي مۇمكىندىكتەرىن كەڭەيتەتىن جانە ءبىلىم ساپاسىن ارتتىرۋعا كومەكتەسەتىن قۇرال بولۋى ءتيىس.
