مەملەكەت باسشىسى قىتاي ءتوراعاسىنا قۇتتىقتاۋ جەدەلحاتىن جولدادى

- ۇلى قىتاي تاريحىندا جاڭارۋ مەن جاڭعىرۋدىڭ بىرەگەي نىشانى بولعان بۇل كۇننىڭ ورنى ەرەكشە. ەلىڭىز وزىندىك ءداستۇرى مەن باي مادەنيەتىن ساقتاپ، دامۋ مەن ەكونوميكالىق ورلەۋدىڭ جارقىن ۇلگىسىن كورسەتىپ كەلەدى. اسىرەسە، قىتايدىڭ عىلىمي-تەحنولوگيا، يننوۆاتسيا مەن سيفرلىق ەكونوميكا سالالارىنداعى تولاعاي جەتىستىكتەرى جاھاندى تاڭعالدىردى،-دەپ جازىلعان جەدەلحاتتا.

قاسىم-جومارت توقايەۆ ەكى ەل اراسىنداعى دوستىق پەن تاتۋ كورشىلىككە نەگىزدەلگەن ماڭگى جان-جاقتى ستراتەگيالىق سەرىكتەستىك تىڭ قارقىنمەن دامىپ كەلە جاتقانىن اتاپ ءوتتى.

سونىمەن قاتار بيىل شاڭحايداعى جۇزدەسۋ ءوزارا ىقپالداستىقتىڭ كەلەشەگىنە دەگەن ورتاق كوزقاراستى بەكەمدەپ، سان قىرلى ىنتىماقتاستىقتىڭ كوكجيەگىن كەڭەيتۋگە جول اشقانىنا توقتالدى.

پرەزيدەنت قىتاي ءتوراعاسىنىڭ جاۋاپتى مەملەكەتتىك قىزمەتىنە تولايىم تابىس، ال دوستاس قىتاي حالقىنا قۇت-بەرەكە تىلەدى.

وسىعان دەيىن مەملەكەت باسشىسى نيگەريا پرەزيدەنتىن تاۋەلسىزدىك كۇنىمەن قۇتتىقتادى.