مەملەكەت باسشىسى: ەلگە قورعان بولۋ - ەڭ ابىرويلى قىزمەت

- ناعىز پاتريوت ازامات ءۇشىن بۇدان اسقان مارتەبە جوق. كۇشتىك قۇرىلىم قىزمەتكەرلەرىنىڭ كۇندەلىكتى تاباندى ەڭبەگى ەل ءۇشىن جاسالعان ەرلىك ەكەنى ءسوزسىز. سىزدەر ءارقايسىڭىز سەرتكە بەرىك بولىپ، وتان الدىنداعى مىندەتتەرىڭىزدى ءمىنسىز ورىنداپ جۇرسىزدەر. مەن مەملەكەت باسشىسى جانە جوعارعى باس قولباسشى رەتىندە بارشاڭىزعا شىنايى ريزاشىلىعىمدى بىلدىرەمىن. بۇگىن سىزدەرگە اسكەري اتاق پەن سىنىپتىق شەن بەرۋ تۋرالى ءتيىستى جارلىققا قول قويدىم. بۇعان قوسا ءبىرقاتار ازاماتتى جوعارى مەملەكەتتىك ناگرادامەن ماراپاتتاۋ تۋرالى شەشىم قابىلدادىم. بارشاڭىزعا قۇتتى بولسىن! وسكەلەڭ ۇرپاق سىزدەرگە قاراپ بوي تۇزەيدى، تۋعان ەلگە ادال بولۋدى ۇيرەنەدى. سىزدەر جاستارعا ۇلگى بولىپ، جول كورسەتىپ، ءاردايىم ۇلت مۇددەسىنە قىزمەت ەتە بەرەسىزدەر دەپ سەنەمىن. ايبىندى ارميامىزدىڭ ابىرويى ارتا بەرسىن، - دەدى پرەزيدەنت.

ەسكە سالا كەتەيىك، بۇعان دەيىن پرەزيدەنت مەملەكەتتىك ماراپات جانە اسكەري شەن تاپسىرۋ راسىمىندە ءسوز سويلەگەن ەدى.