ۇلكەن الماتى اينالما جولىمەن ءجۇرۋ اقىسى وزگەردى

2024 -جىلدىڭ 1-قاڭتارىنان باستاپ ۇلكەن الماتى اينالما جولىمەن ءجۇرۋ اقىسى ءوستى، دەپ حابارلايدى Kazinform.

الماتى وبلىسى ىلە اۋدانى اكىمدىگىنىڭ مالىمەتىنشە، 2024 -جىلعى ايلىق ەسەپتىك كورسەتكىشتى (ا ە ك) يندەكساتسيالاۋعا بايلانىستى 2024 -جىلدىڭ 1-قاڭتارىنان باستاپ ءۇ ا ا ا ج-بەن ءجۇرۋ اقىسى وزگەرگەن.

سونداي-اق 2024 -جىلعى ايلىق ەسەپتىك كورسەتكىش (ا ە ك) - 3692 تەڭگەنى قۇرادى.

بەلگىلى بولعانداي، جەڭىل كولىكتەر - 0,07 ا ە ك (258,44 تەڭگە)؛

16 ورىنعا دەيىنگى اۆتوبۋستار مەن 2,5 تونناعا دەيىنگى جۇك كولىكتەرى - 0,08 ا ە ك (295,36 تەڭگە)؛

32 ورىنعا دەيىنگى اۆتوبۋستار مەن 5,5 تونناعا دەيىنگى جۇك كولىكتەرى - 0,14 ا ە ك (516,88 تەڭگە)؛

32 ورىنعا دەيىنگى اۆتوبۋستار مەن 10 تونناعا دەيىنگى جۇك كولىكتەرى - 0,16 ا ە ك (590,72 تەڭگە)؛

10 توننادان اساتىن جۇك كولىكتەرى - 0,2 ا ە ك (738,40 تەڭگە)؛

15 توننادان اساتىن جۇك كولىكتەرى - 0,22 ا ە ك (812,24 تەڭگە).

ءۇ ا ا ا ج-دى كەسىپ وتەتىن، قاراساي، ىلە، تالعار اۋداندارىندا تىركەلگەن اۆتوكولىك يەلەرى ءۇشىن ابونەنتتىك تولەم قاراستىرىلعان.

ەسكە سالايىق، وتكەن جىلدىڭ ماۋسىم ايىندا ۇلكەن الماتى اينالما اۆتوكولىك جولى پايدالانۋعا بەرىلگەن بولاتىن.

كەيىن ءۇ ا ا ا ج-نىڭ تولەماقىسى بەكىتىلگەن ەدى.