لۋكاشەنكو بەلارۋستەگى پرەزيدەنت سايلاۋىندا جەڭىسكە جەتتى

استانا. KAZINFORM - الەكساندر لۋكاشەنكو بەلارۋستەگى پرەزيدەنتتىك سايلاۋدا داۋىس بەرۋ قورىتىندىلارى بويىنشا 86,82 پايىز جينادى.

 Беларусь Орталық сайлау комиссиясы президенттікке кандидат ретінде тіркеу үшін Александр Лукашенконың құжаттарын қабылдады
فوتو: بەلارۋس رەسپۋبليكاسى پرەزيدەنتىنىڭ باسپا ءسوز قىزمەتى

شينحۋا اقپارات اگەنتتىگىنىڭ مالىمەتىنشە، بۇل تۋرالى ەلدىڭ ورتالىق سايلاۋ كوميسسياسىنىڭ ءتوراعاسى يگور كارپەنكو حابارلادى.

بەلارۋس ورتالىق سايلاۋ كوميسسياسىنىڭ 27-قاڭتارداعى الدىن الا مالىمەتىنە سايكەس ا. لۋكاشەنكو 86,82 پايىز، و. گايدۋكەۆيچ 2,02 پايىز، ا. حيجنياك 1,74 پايىز، ا. كانوپاتسكايا 1,86 پايىز جانە س. سىرانكوۆ - 3,21 پايىز داۋىس جيناعان.

بارلىعىنا قارسى سايلاۋشىلاردىڭ %3,60 ى داۋىس بەردى. سايلاۋعا قاتىسۋ كورسەتكىشى 85,70 پايىزدى قۇرادى، ال سايلاۋشىلار سانى 6903994 ادام بولدى.

بەلارۋس زاڭناماسىنا سايكەس، سايلاۋشىلاردىڭ 50 پايىزدان استام داۋىسىن جيناعان ۇمىتكەر جەڭىسكە جەتەدى. و س ك پرەزيدەنت سايلاۋىنىڭ سوڭعى قورىتىندىسىن 3-اقپاندا شىعارۋدى جوسپارلاپ وتىر.

قورىتىندى راستالعاننان كەيىن ا. لۋكاشەنكو بەلارۋستىڭ سايلانعان پرەزيدەنتى بولىپ رەسمي تۇردە جاريالانادى.

اۆتور

زارينا تۋعانبايەۆا

سوڭعى جاڭالىقتار