LIVE: تاجىكستان پرەزيدەنتى ەمومالي راحموننىڭ قازاقستانعا رەسمي ساپارى
استانا. KAZINFORM - استانا حالىقارالىق اۋەجايىندا ەلىمىزگە رەسمي ساپارمەن كەلگەن تاجىكستان پرەزيدەنتى ەمومالي راحموندى قارسى الۋ ءراسىمى ءوتىپ جاتىر.
ەسكە سالساق 5-7-قاراشا كۇندەرى مەملەكەت باسشىسىنىڭ شاقىرۋىمەن ەلىمىزگە تاجىكستان پرەزيدەنتى ەمومالي راحمون رەسمي ساپارمەن كەلەتىنى تۋرالى جازعان ەدىك.
ايتا كەتەلىك قازاقستان مەن تاجىكستان اراسىنداعى ساۋدا اينالىمى 1,13 ميلليارد دوللارعا جەتكەن ەدى.
سونىمەن قاتار قازاقستان مەن تاجىكستان ەكونوميكالىق ىنتىماقتاستىقتىڭ جاڭا باعىتتارىن ايقىنداعان ەدى.
تاراپتار ساياسي ارەكەتتەستىكتىڭ تۇراقتى سيپاتقا يە بولىپ وتىرعانىن، جوعارى جانە ەڭ جوعارى دەڭگەيدەگى بايلانىستاردىڭ ۇزىلمەي كەلە جاتقانىن، بۇل ەكىجاقتى كۇن ءتارتىبىنىڭ كەڭەيۋىنە ىقپال ەتىپ وتىرعانىن اتاپ ءوتتى.
ساۋدا، ينۆەستيتسيا، ونەركاسىپ، كولىك جانە لوگيستيكا، ەنەرگەتيكا، اۋىل شارۋاشىلىعى، ءبىلىم بەرۋ، دەنساۋلىق ساقتاۋ، عىلىم، مادەنيەت، تۋريزم جانە سپورت سالالارىنداعى ىنتىماقتاستىقتىڭ بولاشاعى تالقىلاندى.
قازاقستان - تاجىكستاننىڭ نەگىزگى ءۇش ساۋدا سەرىگىنىڭ ءبىرى. 2026 -جىلدىڭ قاڭتارىنان قىركۇيەگىنە دەيىن ەلدەر اراسىنداعى ساۋدا اينالىمى بىلتىرعىمەن سالىستىرعاندا 25,6 پايىزعا ءوسىپ، 1,13 ميلليارد دوللارعا جەتتى. 2025 -جىلى تاجىكستان ەكونوميكاسىنا قازاقستاننان 133,8 ميلليون دوللار ينۆەستيتسيا سالىندى، سونىڭ 14,4 ميلليون دوللارى تىكەلەي ينۆەستيتسيالار.
تاراپتار ساۋدا اينالىمىن ارتتىرۋ جانە قازاقستاننىڭ شيكىزات ەمەس ونىمدەرىن جەتكىزۋدى كەڭەيتۋ بويىنشا جول كارتاسىن قابىلداۋ تۋرالى كەلىسىمگە كەلدى.
