ەلدىڭ باسىم بولىگىندە جەل كۇشەيەدى - قازگيدرومەت

استانا. KAZINFORM - قازاقستاننىڭ بىرنەشە وبلىسىندا جاۋىن-شاشىن، تۇمان، جەلگە بايلانىستى داۋىلدى ەسكەرتۋ جاسالدى، دەپ حابارلايدى «قازگيدرومەت» ر م ك.

جەتىسۋ وبلىسىنىڭ شىعىسىندا، تاۋلى اۋداندارىندا كۇندىز نايزاعاي وينايدى. سولتۇستىك- باتىستان جەل سوعادى، وبلىستىڭ شىعىسىندا ەكپىنى 15-20 م/س دەيىن جەتەدى.

تۇندە جانە تاڭەرتەڭ قوستاناي وبلىسىنىڭ باتىسىندا، وڭتۇستىگىندە تۇمان تۇسەدى.

كۇندىز جامبىل وبلىسىنىڭ تاۋلى اۋداندارىندا نايزاعاي وينايدى. وبلىستىڭ وڭتۇستىگىن، تاۋلى اۋداندارىن تۇمان باسادى. سولتۇستىك- شىعىستان جەل سوعادى، وبلىستىڭ تاۋلى اۋداندارىندا 15-20 م/س دەيىن جەتەدى.

كۇندىز قاراعاندى وبلىسىنىڭ سولتۇستىگىندە نايزاعاي وينايدى. تۇندە جانە تاڭەرتەڭ وبلىستىڭ باتىسىندا، سولتۇستىگىندە، شىعىسىندا تۇمان تۇسەدى. قاراعاندى قالاسىندا كۇندىز نايزاعاي كۇتىلەدى. تۇندە جانە تاڭەرتەڭ تۇمان باسادى.

تۇندە شىعىس قازاقستان وبلىسىنىڭ سولتۇستىگىندە، شىعىسىندا جاۋىن- شاشىن (كوبىنەسە جاڭبىر) قۇيادى. وبلىستىڭ وڭتۇستىگىندە، باتىسىندا نايزاعاي كۇتىلەدى. جەل وڭتۇستىك- باتىستان سوعادى، وبلىستىڭ وڭتۇستىگىندە، شىعىسىندا 15-20 م/س دەيىن جەتۋى ىقتيمال.

استانا قالاسىندا تۇندە جانە تاڭەرتەڭ تۇمان تۇسەدى.

تۇندە جانە تاڭەرتەڭ ۇلىتاۋ وبلىسىنىڭ سولتۇستىگىندە، شىعىسىندا، ورتالىعىندا تۇمان كۇتىلەدى. جەزقازعان قالاسىندا تۇندە جانە تاڭەرتەڭ تۇمان تۇسەدى.

كۇندىز اقمولا وبلىسىنىڭ باتىسىندا، وڭتۇستىگىندە، شىعىسىندا نايزاعاي وينايدى. تۇندە جانە تاڭەرتەڭ تۇمان تۇسەدى. كوكشەتاۋ قالاسىندا تۇندە جانە تاڭەرتەڭ تۇمان كۇتىلەدى.

اقتوبە وبلىسىندا وڭتۇستىك- شىعىستان، وڭتۇستىكتەن جەل سوعادى، وبلىستىڭ وڭتۇستىگىندە، شىعىسىندا ەكپىنى 15-20 م/س دەيىن بارادى.

تۇندە باتىس قازاقستان وبلىسىنىڭ باتىسىندا، وڭتۇستىگىندە، سولتۇستىگىندە نايزاعاي وينايدى. جەل سولتۇستىك- باتىستان سوعادى، تۇندە وبلىستىڭ باتىسىندا، سولتۇستىگىندە، وڭتۇستىگىندە ەكپىنى 15-20 م/س دەيىن جەتۋى مۇمكىن. ورال قالاسىندا تۇندە نايزاعاي كۇتىلەدى. جەل سولتۇستىك- باتىستان سوعادى، تۇندە ەكپىنى 18 م/س دەيىن بارادى.

قىزىلوردا وبلىسىنىڭ باتىسىندا، سولتۇستىگىندە نايزاعاي ويناپ، داۋىل كوتەرىلەدى. جەل شىعىستان سوعادى، وبلىستىڭ سولتۇستىگىندە، ورتالىعىندا ەكپىنى 15-20 م/س جەتىپ، شاڭدى داۋىل تۇرادى.

تۇندە اباي وبلىسىنىڭ سولتۇستىگىندە نايزاعاي وينايدى. جەل سولتۇستىك- باتىستان سوعادى، وبلىستىڭ سولتۇستىگىندە، وڭتۇستىگىندە، ورتالىعىندا 15-20 م/س دەيىن جەتەدى. سەمەي قالاسىندا تۇندە نايزاعاي وينايدى.

كۇندىز ماڭعىستاۋ وبلىسىنىڭ سولتۇستىك- شىعىسىندا، ورتالىعىندا نايزاعاي كۇتىلەدى. تۇندە جانە تاڭەرتەڭ وبلىستىڭ وڭتۇستىك- باتىسىندا تۇمان تۇسەدى. سولتۇستىك- باتىستان، سولتۇستىكتەن جەل سوعادى، تۇندە جانە تاڭەرتەڭ وبلىستىڭ باتىسىندا جىلدامدىعى 15-20 م/س دەيىن جەتۋى ىقتيمال.

اتىراۋ وبلىسىندا وڭتۇستىك- شىعىستان سولتۇستىك- باتىسقا اۋىسىپ جەل سوعادى، وبلىستىڭ سولتۇستىگىندە، باتىسىندا، وڭتۇستىگىندە ەكپىنى 15-20 م/س دەيىن بارۋى مۇمكىن. اتىراۋ قالاسىندا وڭتۇستىك- شىعىستان سولتۇستىك- باتىسقا اۋىسىپ جەل سوعادى، تۇندە ەكپىنى 15-18 م/س دەيىن جەتەدى.

تۇندە جانە تاڭەرتەڭ پاۆلودار وبلىسىنىڭ وڭتۇتىگىندە، شىعىسىندا تۇمان تۇسەدى.

سولتۇستىك قازاقستان وبلىسىنىڭ باتىسىن، سولتۇستىگىن، وڭتۇستىگىن تۇمان باسادى. پەتروپاۆل قالاسىندا تۇندە جانە تاڭەرتەڭ تۇمان كۇتىلەدى.