لەدي گاگانىڭ برازيلياداعى كونسەرتىندە جارىلىس بولا جازدادى

استانا. KAZINFORM - پوليسيا بۇل شابۋىل سەنبىدە ريو- دە- جانەيروداعى كوپاكابانا جاعاجايىنداعى لەدي گاگا كونسەرتى كەزىندە جوسپارلانعان دەپ مالىمدەدى، دەپ حابارلايدى BBC.

جەكسەنبىدە پوليسيا قىزمەتكەرلەرى كۇدىكتى مەن ءجاسوسپىرىمنىڭ قاماۋعا الىنعانى تۋرالى حابارلادى. لەدي گاگا كونسەرتىنە كىرۋ تەگىن بولدى، وعان ەكى ميلليوننان استام ادام كەلگەن.

ريو- دە- جانەيرو شتاتىنىڭ ازاماتتىق پوليسياسى برازيليانىڭ ادىلەت مينيسترلىگىمەن بىرلەسە وتىرىپ، كۇدىكتىلەر قولدان جاسالعان جارىلعىش قۇرىلعىلاردى قۋاتتاندىرۋعا دايىن لاڭكەستىك ارەكەتتى ورىنداۋشىلاردى جالداعانىن حابارلادى.

پوليسيانىڭ ايتۋىنشا، شابۋىلدى جوسپارلاعان توپ الەۋمەتتىك جەلىلەردە نەگىزىنەن بالالارعا، جاسوسپىرىمدەرگە جانە لگبت ۇيىمىنا قارسى جەككورىنىشتى سوزدەر تاراتتى.

بولجالدى ۇيىمداستىرۋشى ريو- گراندي- دۋ- سۋل شتاتىندا اتىس قارۋىن زاڭسىز يەلەنگەنى ءۇشىن قاماۋعا الىندى، ال جاس ءوسپىرىم ريودا بالالار پورنوگرافياسىن ساقتاعانى ءۇشىن ۇستالدى.

ايتا كەتەيىك، لەدي گاگا پاريج وليمپياداسىنىڭ اشىلۋ سالتاناتىندا ونەر كورسەتتى.