ەلدەگى 4 مىڭ قازاق مەكتەبىندە قانشا بالا ءبىلىم الىپ ءجۇر
الماتى. KAZINFORM - قازاقستاندا ورىس تىلىندە وقىتاتىن 1124، ارالاس تىلدەگى 2684 مەكتەپ بار. وندا 1233969 بالا ءبىلىم الىپ ءجۇر. وقۋ-اعارتۋ مينيسترلىگى Kazinform ساۋالىنا جولداعان جاۋاپتا وسىنداي مالىمەت ايتتى.
- ۇلتتىق ءبىلىم بەرۋ دەرەكقورىنان الىنعان مالىمەتكە سايكەس 2024-2025 وقۋ جىلىندا ەلىمىزدە سەگىز مىڭعا جۋىق مەكتەپتە 3,9 ميلليون بالا ءبىلىم الىپ جاتىر. ونىڭ ىشىندە 4097 مەكتەپ قازاق تىلىندە (2720512 بالا)، 2684 مەكتەپ ارالاس، 1124 مەكتەپ ورىس تىلىندە (1233969 بالا) وقىتادى. سوڭعى جىلدار كورسەتكىشى بويىنشا ارالاس تىلدە ءبىلىم بەرەتىن مەكتەپتەردىڭ كوبەيۋى مەملەكەتتىك تىلدە ءبىلىم الۋعا نيەت بىلدىرۋشىلەردىڭ سانىنىڭ ارتۋىنا بايلانىستى، - دەپ ءتۇسىندىردى مينيسترلىكتەن.
ورىس تىلىندە وقىتاتىن مەكتەپتەر سولتۇستىك قازاقستان، قوستاناي، اقمولا وبلىستارىندا كوبىرەك تىركەلگەن.
- سونىمەن قاتار جەرگىلىكتى تۇرعىنداردىڭ سۇرانىسىنا قاراي اعىلشىن، ۇيعىر، وزبەك تىلدەرىندە ءبىلىم بەرەتىن مەكتەپتەر جۇمىس ىستەيدى، - دەپ اتاپ ءوتتى وقۋ-اعارتۋ مينيسترلىگى.
ەسكە سالايىق، مەملەكەت باسشىسىنىڭ تاپسىرماسىمەن العاشقى ۇلتتىق مەكتەپتىڭ قۇرىلىسى باستالدى.
