ەلدوس سمەتوۆ سپورتتاعى مانسابىن اياقتاي ما

استانا. قازاقپارات - 2024 -جىلعى وليمپيادا چەمپيونى ەلدوس سمەتوۆ مانسابىن اياقتاۋ تۋرالى اقپاراتقا تۇسىنىك بەردى، دەپ جازادى Sports.kz.

- ەلدوس، بۇقارالىق اقپارات قۇرالدارىندا پاريج وليمپياداسى ءسىزدىڭ مانسابىڭىزداعى سوڭعى وليمپيادا بولدى دەگەن اقپارات تارادى. بۇعان نە دەيسىز؟

- ەڭ الدىمەن، بارشا قازاق حالقىنا جىلى لەبىزى مەن قۇتتىقتاۋلارى ءۇشىن العىسىمدى بىلدىرگىم كەلەدى. بۇل مەنىڭ عانا ەمەس، بۇكىل قازاقستاننىڭ جەڭىسى. وعان قازاق رۋحى مەن مىنەزىنىڭ ارقاسىندا قول جەتكىزىلدى دەپ سانايمىن. ءبىز بۇل جەڭىستى 44 جىل كۇتتىك، اللاعا شۇكىر، وعان جەتتىك. ەكىنشىدەن، مەن ءالى مانسابىمدى اياقتاۋ نەمەسە جالعاستىرۋ تۋرالى شەشىم قابىلداعان جوقپىن. بۇرىنعى سۇحباتتارىمدا مەن كوڭىل كوتەرىڭكى نەمەسە كەرىسىنشە كوڭىل-كۇيىڭ ناشار كەزدە شەشىم قابىلداۋعا بولمايتىنىن ايتاتىنمىن. قازىر مەن ەيفوريادامىن، نە بولىپ جاتقانىن اسا تۇسىنبەيمىن. وليمپيادا ويىندارىنداعى جەڭىستى ءوز باسىم 15-16 جىل كۇتتىم. سوندىقتان مەن قازىر «نوكداۋن» العان ادام سياقتى كۇيدەمىن. مۇنىڭ ءبارى ءتۇس سياقتى. ماڭىزدى شەشىم قابىلداۋعا ءالى ەرتە، - دەدى ول.

سمەتوۆ ريو ويىندارىنىڭ كۇمىس جۇلدەگەرى (2016) اتانسا، توكيو وليمپياداسىندا قولا مەدال (2020) الدى، ال 2024 -جىلعى پاريجدەگى وليمپيادادا چەمپيون بولدى.

اۆتور
ەركەجان سماعۇلوۆا