ەلدوس سمەتوۆ «جىلدىڭ ۇزدىك دزيۋدوشىسى» نوميناتسياسى بويىنشا شورت-پاراققا ەندى
استانا. KAZINFORM - حالىقارالىق دزيۋدو فەدەراتسياسى (IJF) «ەرلەر اراسىنداعى جىلدىڭ ۇزدىك دزيۋدوشىسى» نوميناتسياسى بويىنشا IJF Judo Awards 2024 شورت-پاراعىن ۇسىندى. بۇل تۋرالى ق ر ۇلتتىق وليمپيادالىق كوميتەت حابارلادى.

ەسكە سالا كەتەيىك، كەڭەيتىلگەن تىزىمگە پاريجدە (فرانسيا) وتكەن 2024-جىلعى وليمپيادا ويىندارىنىڭ جەتى جەڭىمپازى ەنگەن ەدى.
ءتىزىم IJF سايتى ارقىلى كورەرمەندەردىڭ داۋىس بەرۋى نەگىزىندە جاسالدى. ناتيجەسىندە جەتى ۇمىتكەردىڭ ىشىنەن ءۇش سپورتشى تاڭدالدى: قازاقستاندىق ەلدوس سمەتوۆ، حيدايات گەيداروۆ (ازەربايجان) جانە لاشا بەكاۋري (گرۋزيا).
ەندى بۇل نوميناتسيا بويىنشا جەڭىمپازدى IJF ساراپشىلار كوميسسياسى انىقتايتىن بولادى.
ماراپاتتاۋ ءراسىمى 1-2-اقپان كۇندەرى پاريجدە (فرانسيا) وتەتىن Grand Slam تۋرنيرى كەزىندە وتەدى.
وليمپيادا چەمپيونى ەلدوس سمەتوۆ ورالدا جاس سپورتشىلارمەن كەزدەسكەنىن جازعان بولاتىنبىز.