ۇلدارىم بولاشاقتا بوكس قولعابىن كيسە قارسى ەمەسپىن - جانىبەك ءالىمحان ۇلى

استانا. KAZINFORM - قازاقستاندىق بوكسشى، ورتا سالماقتاعى WBO جانە IBF چەمپيونى جانىبەك ءالىمحان ۇلى وتباسى تۋرالى ايتىپ بەردى.

- ءوزىم امەريكادا وقۋ-جاتتىعۋ جيىندارىندا، جەكپە-جەكتەردە جۇرسەم دە، وتباسىم ءوزىم تۋعان وڭىردە، ەلىمىزدە تۇرىپ جاتىر. بالالارىمنىڭ بارلىعى وسىندا قازاقى تاربيە الىپ وسكەنىن قالايمىن. بولاشاقتا ۇلدارىم قولدارىنا بوكس قولعابىن كيىپ، سپورتشى بولامىن دەسە قارسىلىعىم جوق. ءبىراق، ءار قازاقتىڭ ۇلدارى ءوزىن قورعاي ءبىلۋ ءۇشىن دە بوكس مەكتەبىن ۇيرەنىپ جاتسا ارتىق بولمايدى - دەدى جانىبەك ءالىمحان ۇلى.

ەستەرىڭىزگە سالا كەتەيىك، بۇگىن استانادا جانىبەك ءالىمحان ۇلىنىڭ 5-ساۋىردە وتەتىن جەكپە-جەگىنە ارنالعان باسپا ءسوز ءماسليحاتى ءوتتى. ول 5-ساۋىردە استاناداعى «بارىس ارەنادا» جەڭىلىپ كورمەگەن فرانسۋز بوكسشىسى اناۋەل نگاميسسەنگەمەن رينگكە شىعادى.

اۆتور كۇنسۇلتان وتارباي