ەلدە توراكالدى حيرۋرگيا دامىپ كەلەدى
استانا. KAZINFORM - ەلدە ەمحاناعا جۇگىنەتىندەردىڭ ۇشتەن ءبىر بولىگى وكپەگە شاعىمدانادى. بۇل دەرتتىڭ قاۋپى جىل بويىنا بەلگى بەرمەي، مەديتسينالىق تەكسەرىس كەزىندە ءبىر-اق انىقتالاتىن جاعدايلارى بار.
ەلورداداعى ۇلتتىق عىلىمي مەديتسينا ينتسيتۋتىنىڭ حيرۋرگى اناتولي كولوس وسىلاي دەيدى. سوندىقتان دارىگەرگە قارالىپ تۇرۋدى ۇمىتپاۋ كەرەك. قازىر وتاندىق مەديتسينا زاماناۋي ءادىس- تاسىلدەردى بارىنشا يگەرگەن. جىل سايىن 300-دەي ناۋقاسقا وپەراتسيا جاسالادى.
اناتولي كولوس، توراكالدى حيرۋرگ، مەديتسينا عىلىمدارىنىڭ دوكتورى:
- سوڭعى جىلدارى الەمدە جانە ءبىزدىڭ ەلدە توراكالدى حيرۋرگيا وتە جاقسى دامىپ كەلەدى. دالىرەك ايتساق، كەۋدە قۋىسى اۋرۋلارىن ەمدەۋ اناعۇرلىم جەڭىلدەپ، وتا جاساۋدىڭ زاماناۋي تاسىلدەرى قولدانىلا باستادى. مىسالى، ءبىزدىڭ كلينيكانىڭ كەۋدە قۋىسى حيرۋرگياسىندا از ينۆازيۆتى تاسىلمەن وتا جاساۋ 2010 -جىلدان بەرى قولعا الىنعان. قازىر وتانىڭ %70 جاڭا تەحنولوگيا نەگىزىندە جاسالادى. بۇل ءادىستىڭ ەرەكشەلىگى، وتا كەزىندە جاراقات از بولادى جانە كەيىن ناۋقاستار تەز قالىپقا كەلەدى.
كەۋدە قۋىسى مۇشەلەرىنە وپەراتسيا جاساۋدا وتاندىق دارىگەرلەر شەتەلدىك ماماندار ۇنەمى تاجىريبە الماسىپ وتىرادى. بۇل جولى وسى سالانىڭ باستاۋىندا تۇرعان يسپاندىق دارىگەر ديەگو گونزالەس ريۆارا ۇلتتىق عىلىمي مەديتسينا ورتالىعىنىڭ ماماندارىنا وكپە ونكولوگياسىن شاعىن بەينەسكوپتىڭ كومەگىمەن ەمدەۋ تاسىلدەرى بويىنشا ارنايى شەبەرلىك ساعاتىن وتكىزدى. ورتالىق دارىگەرلەرى الەمدىك دەڭگەيدە مويىندالعان ماماننىڭ باسشىلىعىمەن وتا جاساپ، ونىڭ بىرەگەي تاجىريبەسى مەن پراكتيكالىق داعدىلارىن يگەردى.
ديەگو ريۆاسا، توراكالدى حيرۋرگيا سالاسىنداعى الەمدىك كوشباسشى مامان:
- مۇنداعى كەلگەن باستى ماقساتىم قازاقستاندىق دارىگەرلەرگە كەۋدە قۋىسى حيرۋرگياسىنداعى يننوۆاتسيالىق ءادىس-تاسىلدەردى ۇيرەتىپ، وتا جاساۋ بارىسىندا كورسەتۋ بولدى. 2-3 س م- لىك تىلىكپەن عانا جاسالاتىن بۇل وتانىڭ مۇمكىندىكتەرى مەن اۋقىمى وتە كەڭ. قازىر الەمدە كەۋدە قۋىسى وتالارىنىڭ %99 ءدال وسى تاجىريبەمەن جاسالادى.
24.kz
