ەلدە نەكەگە تۇرۋدىڭ ەڭ تومەنگى دەڭگەيى قاي وڭىردە

استانا. قازاقپارات - 2024-جىلى احات ورگاندارى ەلدە 123,6 مىڭ نەكە تىركەدى، بۇل الدىڭعى جىلمەن سالىستىرعاندا 2,2 پايىز ارتىق.

- نەكەلەسۋدىڭ جالپى كوەففيتسيەنتى 6,13 (1000 ادامعا). نەكەلەسكەندەردىڭ كوپشىلىگى استانا قالاسىندا، 1000 ادامعا شاققاندا 7,34 نەكە كوەففيتسيەنتى، سونداي-اق الماتى (6,98) جانە ۇلىتاۋ وبلىستارىندا (6,70) بايقالدى. نەكەگە تۇرۋدىڭ ەڭ تومەنگى دەڭگەيى باتىس قازاقستان وبلىسىندا - 1000 ادامعا شاققاندا 5,58 نەكە، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.

وتباسىن قۇرعانداردىڭ ءىشىن ەرلەدەردىڭ 78 پايىز جانە ايەلدەردىڭ 79,1 پايىز نەكەگە العاش رەت تۇرعان، اجىراسقاننان كەيىن قايتا ۇيلەنگەن ەرلەردىڭ ۇلەسى - 20,8 پايىز، تۇرمىسقا شىققان ايەلدەردە - 19,4 پايىز.

قالالىق جەردە 82,1 مىڭ نەكە (66,4 پايىز)، اۋىلدىق جەردە 41,5 مىڭ نەكە (33,6 پايىز) تىركەلگەن.

العاش نەكە قۇرعان ەرلەردىڭ ورتاشا جاسى 27,9 جاس بولسا، ايەلدەر ءۇشىن - 25,2 جاس.

2024-جىلى نەكە جاز ايلارىندا ەڭ كوپ تىركەلگەن: ماۋسىم - 11 675، شىلدە - 13 739, تامىز - 12 936.

بارلىق تىركەلگەن نەكەنىڭ 81,8 پايىز مونوەتنيكالىق بولسا، قالعان 18,2 پايىز - ەتنوسارالىق.

اجىراسۋعا كەلەتىن بولساق، 2024-جىلى ولاردىڭ سانى 40,5 مىڭ بولدى.

قالالىق جەردە 30,1 مىڭ اجىراسۋ (74,4 پايىز)، اۋىلدىق جەرلەردە - 10,4 مىڭ اجىراسۋ (25,6 پايىز) تىركەلگەن. اجىراسۋدىڭ جالپى كوەففيتسيەنتى 2,01 (1000 ادامعا).

- اجىراسۋدىڭ ەڭ جوعارى دەڭگەيى ش ق و- دا، 1000 ادامعا شاققاندا 3,12 كوەففيتسيەنتىمەن، سونداي-اق قاراعاندى (3,11) جانە پاۆلودار (3,09) وبلىستارىندا بايقالدى. اجىراسۋدىڭ ەڭ تومەنگى دەڭگەيى تۇركىستان وبلىسىندا - 1000 ادامعا شاققاندا 0,90, - دەلىنگەن حابارلامادا.

نەكە ۇزاقتىعى بويىنشا اجىراسۋلاردىڭ ەڭ كوپ ۇلەسى (35 پايىز) 1-4 جىل نەكەدە تۇرعان وتباسىلار اراسىندا، اجىراسۋلاردىڭ 25 پايىز - 5 جىلدان 9 جىلعا دەيىن بىرگە تۇرعاندار اراسىندا، تاعى 8 پايىز نەكە تىركەلگەننەن كەيىن ءبىر جىل ىشىندە اجىراسقان.

ايتا كەتەلىك ەلدە كىمدەر نەكەسىن تەگىن تىركەي الاتىنى تۋرالى جازعان ەدىك.