ەلدە اقپان ايىندا قاي سالانىڭ قىزمەتى قىمباتتادى
استانا. قازاقپارات - 2025-جىلعى اقپاندا تۇتىنۋ باعالارىنىڭ ايلىق يندەكسى 1,5 پايىز قۇرادى (2025-جىلعى قاڭتاردا - 1,1 پايىز). اقىلى قىزمەتتەر - 2,1 پايىز، ازىق-تۇلىك تاۋارلارىنىڭ باعاسى - 1,5 پايىز، ازىق-تۇلىك ەمەس تاۋارلار 1 پايىز ءوستى.
- تۇرعىن ءۇي-كوممۋنالدىق قىزمەتتەر سالاسىندا تولەماقى سۋىق سۋعا - 29,2 پايىز، ورتالىقتان جىلىتۋعا - 6,2 پايىز، ىستىق سۋعا - 5,3 پايىز، دوموفونعا - 4,7 پايىز، ەلەكتر ەنەرگياسىنا 1,8 پايىز ءوستى. مونشا قىزمەتتەرى - 2,1 پايىز، دارىگەرگە العاش قارالۋ قىزمەتتەرى - 1,9 پايىز، شاشتارازدار مەن سۇلۋلىق سالوندارىنىڭ قىزمەتتەرى 1,3 پايىز قىمباتتادى. ازىق-تۇلىك تاۋارلارىنان باعا قيارعا - 12,7 پايىز، قىرىققاباتقا - 12,3 پايىز، كارتوپقا - 16,4 پايىز، قىزاناققا - 6,1 پايىز، قىزىلشاعا - 5,1 پايىز، ليمونعا- 4,9 پايىز، سيىر ەتىنە - 3,7 پايىز، سارىمساققا - 3,2 پايىز، كارتوپقا، جۇزىمگە - 3,1 پايىز، كۇنباعىس مايىنا - 3 پايىز، الماعا - 2,7 پايىز، قوي ەتىنە 2,3 پايىز ءوستى. باعانىڭ تومەندەۋى اپەلسينگە - 2,2 پايىز، كۇرىشكە - 1,4 پايىز، جۇمىرتقاعا - 1,2 پايىز قاراقۇمىق جارماسىنا 1 پايىز بايقالدى، - دەلىنگەن ۇلتتىق ستاتيستيكا حابارلاماسىندا.
اقپان ايىندا تۇرمىستىق بۇيىمدارعا باعا 2,5 پايىز، اۆتوموبيلدەرگە - 1,3 پايىز، قۇرىلىس ماتەريالدارىنا - 1,1 پايىز، كيىم مەن اياق كيىمگە 1 پايىز ءوستى. باللونداعى سۇيىتىلعان گاز 10,5 پايىز قىمباتتادى.
وڭىرلەر ىشىندە ەڭ جوعارى ايلىق ينفلياتسيا استانا قالاسىندا - 2,9 پايىز (ورتاشا رەسپۋبليكالىق دەڭگەيدەن 1,4 پ. ت. جوعارى) ، ەڭ تومەنى اباي جانە قىزىلوردا وبلىستارىندا - ءارقايسىسىندا 0,7 پايىزدان تىركەلدى.
وڭىرلەر بولىنىسىندە ازىق-تۇلىك تاۋارلارىنىڭ ەڭ جوعارى باعاسى شىمكەنت قالاسىندا 3 پايىز، ازىق- تۇلىك ەمەس تاۋارلار - ماڭعىستاۋ وبلىسىندا 2,5 پايىز، اقىلى قىزمەتتەر - استانا قالاسىندا 4 پايىز ءوستى.
2025-جىلعى اقپاندا جىلدىق ماندە ينفلياتسيا دەڭگەيى 9,4 پايىز بولدى. اقىلى قىزمەتتەردىڭ باعاسى - 14,1 پايىز، ازىق-تۇلىك ەمەس تاۋارلاردىڭ باعاسى - 8,7 پايىز، ازىق-تۇلىك تاۋارلارىنىڭ باعاسى 6,5 پايىز ءوستى.
2024-جىلعى اقپانمەن سالىستىرعاندا سۋىق سۋعا تاريفتەر - 70,7 پايىز، ەلەكتر ەنەرگياسىنا - 21 پايىز، ورتالىقتان جىلىتۋعا - 18,2 پايىز، سۋ بۇرۋعا - 17,3 پايىز، ىستىق سۋعا - 14,5 پايىز، تاراتۋ جەلىلەرى بويىنشا تاسىمالداناتىن گازعا - 13,2 پايىز، قوقىس شىعارۋعا 11,1 پايىز جوعارىلادى. تەمىرجول جولاۋشىلار كولىگىنىڭ قىزمەتتەرى - 20 پايىز، ۇيالى بايلانىس قىزمەتتەرى - 19,5 پايىز، مەديتسينالىق زەرتحانالار مەن رەنتگەن كابينەتتەرىنىڭ قىزمەتتەرى - 18,4 پايىز، سالەمدەمەلەر جىبەرۋ - 17,7 پايىز، دارىگەرگە العاشقى قارالۋ قىزمەتى 15,5 پايىز قىمباتتادى.
- نوۋتبۋكتىڭ باعاسى - 67,2 پايىز، اس ءۇي پەشى - 55,4 پايىز، سىمسىز قۇلاققاپتار - 47,7 پايىز، پلانشەت 46,8 پايىز قىمباتتاعان. باعانىڭ ءوسۋى كورۆالولعا - 33,2 پايىز، كانەفرونعا 26,9 پايىز بايقالدى. ازىق-تۇلىك ىشىندە كارتوپ - 62,1 پايىز، پياز - 27,3 پايىز، قىرىققابات - 20,2 پايىز، سارىمساق - 18,3 پايىز، قىزىلشا 15,2 پايىز قىمباتتاعان. كەرىسىنشە، قاراقۇمىق جارماسى جىلدىق ماندە - 20,4 پايىز، ءسابىز - 6,6 پايىز، كۇرىش - 5,7 پايىز، جۇمىرتقا 5,3 پايىز ارزانداعان، - دەلىنگەن حابارلامادا.
