لاس- ۆەگاستا Tesla Cybertruck جارىلىسى: جۇرگىزۋشىنىڭ جازبالارى تابىلدى
استانا. KAZINFORM — «بۇل تەراكت ەمەس، ويانۋعا شاقىرۋ»،- دەلىنگەن مەتتيۋ الان ليۆەلسبەرگەردىڭ جازباسىندا، دەپ حابارلايدى Anadolu Ajansi.
لاس- ۆەگاستاعى دونالد ترامپ قوناقۇيىنىڭ الدىندا جارىلعان Tesla كولىگىنىڭ جۇرگىزۋشىسى ءوز جازبالارىندا بۇل وقيعانى «ويانۋعا ۇندەۋ» دەپ اتادى.
ا ق ش ارمياسىنىڭ بۇرىنعى ساربازى ءوز جازبالارىندا «ويىن جوعالتقان جولداستارىنان تازارتىپ، قور قىلعان ومىرلەردىڭ سالماعىنان ارىلۋ كەرەك» دەپ جازدى.
- بۇل تەراكت ەمەس، ويانۋعا شاقىرۋ. امەريكالىقتار نارازىلىقتار مەن زورلىق-زومبىلىققا عانا ءمان بەرەدى. جارىلعىش زاتتى قولدانۋ ارقىلى ءوز ويىمدى جەتكىزۋدەن باسقا قانداي جاقسى ءادىس بار؟، - دەلىنگەن ونىڭ تەلەفونىنداعى جازبالاردىڭ بىرىندە.
سونداي- اق، جازبالاردا ا ق ش «ولىممەن اۋىرىپ، كۇيرەۋگە بەت العانى» اتاپ ءوتىلدى، ال جەكەلەگەن جازبالاردا ۋكرايناداعى سوعىس تۋرالى دا ايتىلدى.
فەدەرالدىق تەرگەۋ بيۋروسىنىڭ (FBI) وكىلى سپەنسەر ەۆانس «وقيعا جاريا جانە سەنساتسيالىق بولىپ كورىنگەنىمەن، بۇل جاراقاتتان كەيىنگى سترەستەن زارداپ شەككەن ادامنىڭ ءوز- وزىنە قول جۇمساۋى سياقتى كورىنەدى» دەدى.
ەسكە سالا كەتسەك، ا ق ش- تا دونالد ترامپتىڭ قوناقۇيىنىڭ جانىندا Tesla ورتكە وراندى.
كەيىنىرەك ا ق ش بارلاۋ اگەنتتىكتەرى جاڭا ورلەانداعى تەراكت پەن Cybertruck جارىلىسىنىڭ بايلانىسىن زەرتتەپ جاتقانى حابارلاندى.
كۇدىكتى كولورادو شتاتىدا تۇراتىن 37 جاستاعى ارميا ارداگەرى مەتتيۋ ليۆەلسبەرگەر بولىپ شىقتى.
