لاڭكەستىككە قاتىسى بولۋى مۇمكىن 11 كۇدىكتى ۇستالدى

استانا. KAZINFORM - انكارا پروكۋراتۋراسىنىڭ لاڭكەستىكپەن كۇرەس باسقارماسى تۇركيا استاناسىندا دايش لاڭكەستىك ۇيىمىنا (قازاقستاندا تىيىم سالىنعان) قاتىسى بولۋى مۇمكىن دەگەن كۇدىككە ىلىنگەن 11 ادامنىڭ ۇستالعانىن حابارلادى، دەپ جازدى ازەرتادج اقپارات اگەنتتىگى.

اگەنتتىكتىڭ حابارلاۋىنشا، پروكۋراتۋرا جالپى 12 ادامنىڭ ىزدەۋدە جۇرگەنىن حابارلادى، ونىڭ 11 ءىن جەدەل ۋاكىلدەر ۇستادى، ءبىر ادامدى ىزدەۋ امالدارى جالعاسىپ وتىر.

وسىنداي وپەراتسيالار وتكەن اپتادا تۇركيانىڭ ءتورت پروۆينتسياسىندا جۇرگىزىلدى. حابارلانعانداي، 16 ادام ۇستالعان، ونىڭ 10 ى دايش لاڭكەستەرىمەن بايلانىسى بار دەگەن ايىپپەن سوت شەشىمىمەن قاماۋعا الىندى.

ەسكە سالا كەتەيىك، بۇعان دەيىن ساۋد ارابياسى ماگدەبۋرگ بازارىنداعى لاڭكەستىك ارەكەتتى ايىپتاعانىن جازعان ەدىك.