ۆلاديمير پۋتين رەسمي ساپارمەن قىرعىزستانعا بارادى

 11-قازاندا قىرعىز رەسپۋبليكاسىنىڭ پرەزيدەنتى سادىر جاپاروۆتىڭ شاقىرۋىمەن رەسەي فەدەراتسياسىنىڭ پرەزيدەنتى ۆلاديمير پۋتين قىرعىزستانعا رەسمي ساپارمەن بارادى. 

تاراپتار قىرعىزستانداعى شاعىن ا ە س قۇرىلىسىن تالقىلايدى، دەپ حابارلايدى قازاقپاراتتىڭ مەنشىكتى ءتىلشىسى.

ق ر پرەزيدەنتى باسپا ءسوز قىزمەتىنىڭ حابارلاۋىنشا ساپار بارىسىندا سادىر جاپاروۆتىڭ ۆلاديمير پۋتينمەن ەكىجاقتى كەلىسسوزى جوسپارلانعان. ەكى ەلدىڭ كوشباسشىلارى ءوزارا ءتيىمدى سەرىكتەستىكتى دامىتۋ ماسەلەلەرىن تالقىلايدى.

دەگەنمەن، «وي وردو» ساراپشىلار باستاماسى ورتالىعىنىڭ حالىقارالىق قاتىناستار بويىنشا ساراپشىسى بايقادام قۇرامايەۆتىڭ پىكىرىنشە، مەملەكەت باسشىلارى ق ر بيوقاۋىپسىزدىگى تۋرالى زاڭ قابىلداۋدى ءسوز ەتەدى.

ول ت م د ەلدەرىنىڭ بارىنە ءتيىمدى ءارى قىرعىز قوعامىنىڭ ورتاق كەلىسىمىنەن كەيىن ق ر-دا كىشى ا ە س قۇرىلىسىنا قاتىستى رەسەيدىڭ قىرعىزستانمەن جۇمىسىن باستاۋىنا كومەكتەسەدى.

سونداي-اق ساراپشى ەكىجاقتى سەرىكتەستىك اياسىندا مەملەكەت باسشىلارىنىڭ كانت قالاسىنداعى ۇ ق ش ۇ اۆياتسيا بازاسىنىڭ اشىلۋىنا 20 جىل تولۋىنا وراي ۇيىمداستىرىلاتىن سالتاناتتى ءىس-شاراعا قاتىسۋى جوسپارلانعانىن اتاپ ءوتتى.

بۇعان دەيىن 13-قازاندا قىرعىزستاندا ەل پرەزيدەنتى سادىر جاپاروۆتىڭ توراعالىعىمەن تاۋەلسىز مەملەكەتتەر دوستاستىعىنا مۇشە ەلدەر باسشىلارىنىڭ وتىرىسى وتەتىنى حابارلانعان بولاتىن.