ۆلاديمير پۋتين قاسىم-جومارت توقايەۆتى تۋعان كۇنىمەن قۇتتىقتادى
استانا. KAZINFORM -رەسەي پرەزيدەنتى ۆلاديمير پۋتين قازاقستان باسشىسى قاسىم- جومارت توقايەۆقا 71 جاسقا تولۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى ت ا س س اقپارات اگەنتتىگى.
كرەمل سايتىندا جاريالانعان قۇتتىقتاۋدا رەسەي فەدەراتسياسىنىڭ باسشىسى قازاقستاندىق ارىپتەسىنىڭ ەكى ەل اراسىنداعى ىنتىماقتاستىق پەن جەكە دوستىق قارىم-قاتىناستارعا قوسقان ۇلەسىن اتاپ ءوتتى.
«رەسەي ەلدەرىمىز اراسىنداعى ستراتەگيالىق سەرىكتەستىك پەن وداقتاستىقتى، سونداي-اق ە ا ە و، ۇ ق ش ۇ، ت م د، ش ى ۇ جانە باسقا دا كوپجاقتى قۇرىلىمدار اياسىنداعى سىندارلى ءوزارا ءىس- قيمىلدى دامىتۋعا قوسقان جەكە ۇلەسىڭىزدى جوعارى باعالايدى»، - دەپ جازعان پۋتين توقايەۆقا ارنالعان جەدەلحاتىندا.
«مەن ءبىزدىڭ جاقسى، دوستىق قارىم- قاتىناسىمىزدى باعالايمىن. ءبىز رەسەي مەن قازاقستاننىڭ باۋىرلاس حالىقتارىنىڭ يگىلىگى ءۇشىن الداعى ۋاقىتتا دا بىرگە جۇمىس ىستەي بەرەمىز»، - دەپ اتاپ ءوتتى ر ف پرەزيدەنتى.
بۇعان دەيىن حابارلاعانىمىزداي، مالايزيا پرەمەر-ءمينيسترى قاسىم-جومارت توقايەۆتى بۇگىنگى تۋعان كۇنىمەن قۇتتىقتادى.
بۇگىن، 17-مامىردا قاسىم-جومارت توقايەۆ 71 جاسقا تولدى.
